Tpalays der gheleerder ingienen, oft der constiger geesten

[fol. Eijr]

lxi.

Die mensche die wat op sijn leden // heeft
In onureden // leeft // ghelijct den hase perfect
Hi heeft een ongherust herte, in alle steden // beeft
Hi en can nau gheslapen, een die is suspect
Altijt vreese in sijn lichaem trect
Om comen in handen van iustitie
De rechtueerdighe alomme reyn ontdect
Hi en vreest gheenen aenstoot, noch inquisitie
Den hase is een exempel van malitie
Hi vreest als hi hoort eenich gheruchte tooghen
Sghelijcx die heeft op therte eenighe vitie
Slacht den hase, hi slaept met openen ooghen