Tpalays der gheleerder ingienen, oft der constiger geesten

[fol. Civ]

xxviij.

Tspel van fortuynen is seer auontuerlijck
Wi sient figuerlijck // in menich regement
Maer die wijse, en sal dies niet sijn beruerlijck
Niet teghenstaende der fortuynen accident
De schiltpadde maect ons dit wel bekent
Sy en acht vlieghen, noch horsselen niet een luere
Haren schilt isser teghen, seer excellent
Sghelijcx laet wijsheyt in v sijn telcker vre
Laet in v sijn verstant, en redene pure
Ghi sult teghenspoet verwinnen telcken fijne
De schiltpadde is v een schoon figure
Sy setter haren schilt teghen telcken termijne.