Tpalays der gheleerder ingienen, oft der constiger geesten

[fol. Avijv]

viij.

Den gheleerden Pythagoras hooch verheuen
Die heeft bescreuen // en in ghebot ghestelt
Dat nyemant sijn eyghen herte int leuen
En soude eten, heeft hi te rechte ghespelt
Dats dat hem een mensche niet soo seer en quelt
Om eenich verdriet, oft om eenich lijden
Dat de iuecht sijns leuens daer duer wort gheuelt
Tis groote sotheyt hem seluen, soo bestrijden
Hem seluen te etene sonder vermijden
Verteerende haer herte duer melancoleusheyt
Alle wijsen die sullent stellen ter sijden.
De stantuastighe sullen thoonen coragieusheyt.