Schoonhoofs lust-prieelken
(1624)–A.E. Drost, I.C. Wydstraet–
[pagina 82]
| |
Stem: Hansken snee het Kooren was langh.EY tijdt die gaet
En niet en staet,
Maer als blicksem vlieght henen,
Ach! nu zijt ghy,
Te ras verby
En veel te drae verdweenen.
2 Niet voor wel doen
Ghy kunt bevroen,
Hoe de tijdt kan veranderen,
| |
[pagina 83]
| |
Die vrienden goet,
Dick scheyden doet,
Tegens wil van malkanderen.
3 Hoe wel ick nu,
Scheyde van u,
Mijn hart dat blijft u eyghen,
Altijt als vrint
Tot u ghesint,
Sal ick mijn siele neyghen.
4 Soo langh mijn bloedt,
Dit lichaem voedt,
En d'leeden niet verstijven
Door vroeghe doot,
Sal vrientschap groot,
My u doen eyghen bijven.
| |
[pagina 84]
| |
5 Ick wensch van Godt
Dat hy ons tot
Het salighste wil spaeren,
En dat hy weer
Tot zijner eer,
Met lief ons doet vergaeren.
6 Dat niet staet stil
Nu ernstich wil,
Dat ick my moet bereyden,
Nu Drost vaert wel!
Mijn vrientschap sel
Nimmermeer van u scheyden.
Liefd' stilt toorn. |
|