't Kleyn Hoorns-liet-boeck, inhoudende eenige psalmen Davids, lof-sanghen, en geestelijcke liedekens
(1644)–Jan Jansz. Deutel–
AuteursrechtvrijOp de wijse: Te Mey als alle voghelen singhen.AEnhoort een liedt ghy Adams zaet,
Siet dat ghy hem niet na en gaet,
Maer volght Christum gepresen,
En doet altijdt nae sijnen raet,
Soo suldy saligh wesen.
2 Wat van den vleesche is gebaert,
dats vleysch, soo ons Christus verklaert,
Alsoo wy mogen hooren.
O menschen bedwinght uwen aert,
Wordt uyt den Gheest gheboren.
| |
[pagina 101]
| |
3 Want vleeschelijck ghesint te zijn,
dats Godts vyandtschap, hoort wel mijn,
Menschen neemt dit voor ooghen.
Weet dat wy in alsulcken schijn
Godt niet behaghen moghen.
4 Die vleesch'lijck zijn, alsoo men vindt,
die zijn oock vleeschelijck ghesint,
Men leeft van deser saken,
Een vleesch'lijck mensch is soo verblint,
Godts Gheest kan hy niet smaken.
5 Die wijsheyt Godts, soo wy verstaen,
In gheen quaedtwillighe ziel wil gaen,
Noch in gheen lichaem mede
dat der sonden is onderdaen,
Hierom staet na den vrde.
6 'Tboeck der wijsheydt geeft klaer bediet,
dat Godts Gheest den gheveynsden vliet,
dus wilt, nae Petri segghen,
Gheveynstheyt en list nu ter tijdt
Beginnen af te legghen.
7 Treckt uyt den ouden mensch onklaer,
Met sijn quae wercken allegaer,
En wilt daer op niet slapen,
doet aen den nieuwen mensch eerbaer,
die nae Godt is gheschapen.
8 Leght af die onreynigheydt nu,
End' van alle boosheydt weest schuw',
Wilt u hert niet verherden,
Met sachtmoedigheydt laet in u
| |
[pagina 102]
| |
Godts woort gheplantet werden.
9 O menschen al, vaet dit bediedt,
Ontfanght uyt liefden doch dit liedt,
Want liefde dedet dichten,
En dat uyt sulck een meynen siet,
Oft yemant mochte stichten.
|
|