Logo DBNL
De Psalmen Davids, ende ander lofsanghen (2010)

De Psalmen Davids, ende ander lofsanghen

(2010)–Petrus Datheen–rechtenstatus Auteursrechtelijk beschermd

Vorige Volgende

Gebedt by de Begraeuinge der Dooden.

Nae de vermaninghe van de * doot doer Adam, ende de wederge-

boerte doer Christum, danckt ende bidt men Godt, aldus:

WY dancken v, almachtige barmhertige Godt ende Vader, dat ghy N. dat tydelick leuen so lange gegeuen hebt, ende nae dat ghy hem wt desen jammerdaele hebt willen verlossen, dat* eewige ende salighe leuen ghenaedelick gegeuen, d'welck ghy allen geloouigen doer CHRISTUM waerachtighlick toegeseyt hebt, Wiens siele ghy van nu genomen hebt in v+ rijcke, Wiens lichaem ghy ten letsten daege sult verwecken wt der* Eerden, op dat het uwe eewighe heerlickheit besitte, daer voor wy v van herten dancken, Ende bidden v, wilt ons wt desen exempel leeren, de Weereldt+ verlaeten, ende de sonde te vermyden, om welcker wille, ghy also op ons vertoorent sijt, dat ghy, om die te straffen, ons aller-

hande allendicheidt onderworpen hebt, Ende ons nochtans waerschuwet t'onsen besten, op dat wy met* der weerelt niet verdoemt werden. Geeft ons dan een waerachtigh betrauwen op uw barmherticheidt doer IESUM Christum, daer wy de weerelt mede+ ouerwinnen mogen. Werckt doer uwen heyligen Geeest oprechte boete in ons, op dat wy nae hemelsche ende niet nae* eerdsche dinghen gedencken, Want wy sijn vremdelingen in deser weerelt, ende onse+ borgerschap is in den hemel. Laet ons daerom de weerelt, noch dat daer in is, nemmermeer so* lief sijn, dat het ons moghe verhinderen om Christum te verwachten tot onser verlossinge.

 

Onse Vader, etc.

 

Wilt ons oock stercken in den rechten gelooue, daer van, etc.

 

Ick gelooue in Godt, etc.


Vorige Volgende