De Psalmen Davids, ende ander lofsanghen

Een Ghebedt voor die leere des Catechismi

O Hemelsche Vader, v Woort is⁺ volkomen, ende bekeert die sielen, een waerachtige ghetuy-

+ Psal. 19,8.

[p. 166]

genisse, den ongheleerden wysheit geuende, ende der blinden ooghen verlichtende, een^* krachtigh middel ter salicheit allen die't gheloouen, Maer ouermits dat wy van⁺ naturen niet alleen blindt, maer onbequaem sijn tot eenighen goede, Ende dat ghy oock niemanden helpen wilt, dan die^* ootmoedigh ende verslagen sijn van herten: Wy bidden v dat ghy ons⁺ verstandt wilt verlichten met uwen heyligen Geest, ende ons geuen een^* sachtmoedigh herte, van d'welcke alle opgeblaesenheit ende vleeschelicke wysheit gheweert sij, op dat wy v Woordt hoorende⁺ t'selue recht verstaen mogen, ende ons leuen daernae aenstellen. Wilt oock genaedelick^* bekeeren, alle die noch van uwer waerheit afdwaelen, op dat wy v al t'samen eendraghtighlick dienen⁺ in waerachtiger heylicheit ende gerechticheit alle de dagen onses leuens. Dit

* Rom. 1,16

+ 1.Cor. 2,14. Gen. 8,20. Rom. 3,10.

* Isa. 66,2. Mat. 11,29.

+ Eze. 11,19 Ier. 31,33.

* 1.Pet. 5,5. Luc. 1,52. Rom. 8,5.

+ Luc. 11,28

* 1.Tim. 2,4 Ezec. 18,23.

+ Luc. 1,75

[p. 167]

begeeren wy alleen om Christi wille, die ons in synen naeme heeft leeren bidden, ende ooc beloeft te verhooren.

Onse Vader, etc.