Het oudt Huysken van Bethleem
(1590)–Hendrik de Coster–
Auteursrechtvrijmet vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus
Op die wijse Christe qui lux es & dies.Heft op mijn cruys wel soete bruijt
Volcht my, en gaet v seluen wt
Want ick ghedraghen heb voor dy
Hebdy my lief soo volcht na my.
O Iesus mijn alderliefste Heer
Ick ben noch ionck en daer toe teer
Ick heb v lief dats immer waer
Maer tcruys te draghen, valt my swaer.
Meendy altijt in die roosen te winden
Ghy moet noch hier eerst die doornen winden
Siet aen c cruijs, en oock het mijn
Hoe ongelijck sy beyde sijn.
Die schrifture ons wel bedicht
Dijn iock is soet, dijn last is licht
Hoe valdy my dus anxtelijck hert
Die Mijn alderliefste bruydegom wert.
Onghewoonte beswaert den moet
Heft op het sal noch worden soet
Myn cruys is eenen dieren pant
Dat ickt nueant dan mijn vrinden en gant
Dit cruyce my seer qualijck past
My grouwelt voor den grooten last
Ick sorg ick en sals niet moghen herden
O Heer wat sal my noch ghewerden.
Ick ben swaer maer seer suyuerlijck
Ick ben suer, maer alte minnelijck
Ick gheue arbeyt en daer toe rast
| |
[pagina 125]
| |
Betrout op my so srady vast.
O Heere oft immers wesen mach
Des Cruyce naem ick gheerne verdrach
Maer wilt ghijt hebben, en moetet sijn
Vwen wille gheschiede, en niet den mijn.
Ten Hemel en leet maer eenen wech
Dat is alleen des cruycen wech
Al v weluaert aet cruyce staet
Dus siet wat wech dat ghy ingaet.
Soude ick dijn hey, dijn rijck verliesen
Dry hondert cruycen sijn lieuer te kiesen
O Heer gheeft macht ende lijdtsaemheyt
Ende cruyst my t’sy my lief ofte leyt.
|
|