Cirurgia of Hantgewerck int lichame der menschen

78. Wat salmen doen als die dermen sijn gewont ?

Maer die cleene dermen als daer dreck vuijt gaet die sijn (in)curabel, maer die groote vlees dermen, sijn sij gewont met cleenen wonden, soo salmen doen eene cleene cuere oft simpele met dranke ende met cleene subtijle spijse ende plaestrense. Ende is die wonde groot, soo salmense naijen, ende ten ende vanden drade salmen buijten laten opten buijck hangende, als die dermen weder in sijn gedaen, totten ende vander cueren, ende die wonde inden buijck open houden tot dat die dermen heel sijn en(de) den¹ draet afualt². Ende ommer die dermen al werm weder in doen als³ men mach. Maer sijn sij buijten der wonden vanden buijke vercout ende geswollen, so salmense baden met wermen wijne oft met anderen warmen dingen⁴ soo dat sij in gaen. Ende en machmen des niet doen, soo moetmen die wonde wijden ende dan curert die als andere wonden.

1 den : Het Hs. heeft ten.

2 afualt : het Hs. heeft gheuallen.

3 als : het Hs. heeft ende.

4 dinge : het Hs. heeft digne.