Cirurgia of Hantgewerck int lichame der menschen

64. Mac(h) die longene gewont sijn ende genesen ?

Ja sij, maer die wonde moet herde cleen wesen ende die surgijn herde constich den gewonden (t)helpen. Ende dat oijck int beghinsel der quetsueren. Want waer sij out², so en machmense nijet suueren dan met hoestene, ende daer mede soo wijt die wonde, ende oijc soe is die longene alle

2 out verbeterd uit hout.

[p. 54]

wege beroert metten adem vuijte stekene ende in te treckene. Ende dese wonde moet heelen met¹ rustene ende sij is geuoet met scherpen bloede ende dat dunne, ende dat is contrarie der surgijen. Ende die virtute vander medicinen consolidatijff is stoppende ende ardich ende en mach nijet dor lijden bij verren wegen bij eenre groffhede, ende dat sij wort berooft in die mage ende daer nae in die leuere, eer sij daer sal comen; daer omme salmen die wonden buijten wijden datmen in die wonde der longenen mach worpen dit puluer.

Stampt mirre, mastic, wiroock, dragant, gomme van arabien, venegriec, elcx euen vele, ende voeden den patient met suptijle spijse als coleringe van semele met peniden, ende doen den pacient rusten ende in blijscappen (sijn) ende hout die wonde buyten vanden vleese open tot dat die longene heel is. Selden valt daer eenige cure aen te doene.

1 met : het Hs. heeft nijet.