Cirurgia of Hantgewerck int lichame der menschen

[p. 44]

38. Wat suldij doen totter cueren als die wonden gefenijnt oft verwoet of dul sijn ?

Ic sette op die wonden ventosen om veel bloets vuijt te treckene, ende dan so wijde ic die wonden, ende dat doe ic met cauterien, want dat is best al totten bodem vander wonden. Ende dan soo leg ic op die wonden dat fenijn vuyt trect als des selfs honts leuere, oft een jonc kieken geclouen ouer den rugge, oft asschen van wijngaerde gebernt, of gesouten vis oft opoponac ende mirre te samen gestooten oft urine van jongen kinderen met glasen gestooten, oft met soute ende met azijne gestooten. Ende ic houde die wonden .xl. dagen open ende desgelijke soo doen ic die wonden der serpenten ende van¹ gefenijnde dieren.

(p. 109) Ic wijde die wonden ende trecke daer vuijte vele bloets met ventosen. Ende ic doe hem houden goet regement. Ende ic geue hem te nutten goede triacle. Ende ic leggen op die wonden medicijnen die dat fenijn vuyt trecken². Ende dese wonden sijn vele incurabel om dat sij vele melancolije tot hem trecken.

1 van : het Hs. heeft aen.

2 trecken : het Hs. heeft trect.