Cirurgia of Hantgewerck int lichame der menschen

21. Wat suldij doen oft sij vaste houden oft als die canten oft die stucken gedoken sijn dat eene onder tander, of als eenich stuc staet op ende neder, oft dat die enden gekeert sijn innewaert ende gedoken tot dura mater ende totter hersenen ?

Ick sal dat gebroken been, oft dat neder gedructe stic, oft dat daer hendelinge staet¹, vuijte doen met instrumenten, ist mij mogelijc, met pincen oft tangen lauatorien, soo ict alder saechste mach ende subijlijcxt can bij voirsienicheden. Ende wachten mij dat ic die liesce nijet en quetse metten instrumente oft metten scherpen vanden beene.

1 Het Hs. heeft dittografie van staet.