18. Waer bij soutment kennen oft dat hooft gebroken ware sonder wonde int vlees, als somwijlen geualt met buijlen of met frutsuringe ?
Ick soude dat proeuen alsoot die boecken bewijsen met doen craken een note oft met te doen (o)vergapen dat voirste let vanden dume oft met eenen gewasten drade te houdene tussen mijnen vingere dat een ende (ende) tussen den siecken tanden (tander), ende melcken (den) draet : is
[pagina 37]
[p. 37]
thersebecken ontween, hij sal rechte schieten daer ane metter hant, want hij en can noch en mach die krijselinge nijet gedoogen.
Maect een plaestere van mastick ende twitte van een eije gemengt wel te samen ter dicten van eenen vnguentum, ende dat daer op geleet, maer thooft eerste geschoren, ende laten dat liggen vanden auonde tot des morgens het sal beteekenen oft craneum gebroken is alsmen dat aff sal doen des anderen daeghs.
Auteursrechtelijk beschermd