Historien van Troyen

Inhoudsopgave

DIt is die tafel van deser historien. in welcker tafelen men vinden mach biden ghetale der bladeren alle die boeken ende capittelen van deser voernoemder historien. ende dese historie die is ghedeelt in xxxv boeken ende elc boec mit sijn capitelen

¶ Hier beghint dat prologus inder historien van troyen als si bescreuen is bi den rechter guidonem vander columnen

¶ Hier beghint dat eerste boeck. hoe dat coninc peleus van thessalien iason verwecte ende informeerde dat hi hem soude poghen te crighen dat gulden vlies

¶ Dit is dat ander boec In welken staet ghescreuen hoe dat yason ende hercules te samen quamen in die hauen van troeyen

¶ Dit is dat derde boec inden welcken vertelt die wrake die doe die van gryecken deden teghens coninc laumedonca van troeyen om dat hi iason ende den anderen gryecken verboet sijn lant Ende ten eerste vander verderuinghe haers heers

¶ Dit is dat vierde boec hoe dat die stat van troeyen weder ghetimmert ende ghemaect wert Ende die bescreynghe des meesters der verderffenissen der goeder stat van troeyen

¶ Dits dat vijfste boec Inden welken dat ons wart vertelt hoe dat coninc priamus van troeyen begonde raet te nemen ende te hebben met sinen burgeren vander stat van troeyen om wrake te doen vanden hinder ende scade die hem vanden griecken was gesciet

¶ Dits dat seuende boeck vander roeuinghe ende meninge van helena welc dat was menelaus wijf Ende hoe dat paris des conincs soon van troyen reysede inden lande van griecken met enen groten here der ghewapender mannen

¶ Dit is dat viij.boec Hoe dat coninc menelaus helena haer man bi rade van sinen broeder agamenon. verwerf metten anderen coningen vanden lande van griecken te reysen met enen groten heer van volke Inden lande van troyen. om helena sijn wijf weder te vercrighen met crachte

¶ Dits dat neghenste boec hoe achilles ende patroculus werden gecoren tot boden om te reysen tot enen afgod die ghenoemt is appollo om te vercrighen van hem een antwoerde hoe dattet den griecken vergaen soude

¶ Dits dat tienste boec In welken dat wert vertelt. hoe dat die van grieken reyseden vter hauen van athenen ende vanden raet des bisscops calcas vander stat van troeyen der troyanen verrader

¶ Dits dat elfste boec In welcken dat coninc agamenon raet den anderen coninghen ende den princen al ghemeenliken van gryecken datmen coninc priamus vermanen soude dat hi helena weder ouer gheuen soude eermen daer meer toe dede

¶ Dit is dat twalefte boeck hoe dat achilles ende thelaphus der gryeken boden reyseden tot messana om vytalye ende spyse

¶ Dit is dat dertiende boeck van palamides toecoemste. ende hoe dat die gryeken enen scarpen raet namen te samen om voer troyen te trecken

¶ Dits dat viertiende boeck vander ordineringhe der scaren des heers van troeyen. welcke dat ghesciede bi hector coninc priamus soon

¶ Dits dat vijftiende boec inden welken dat vertelt wert den derden vreseliken strijt

¶ Dit is dat sestiende boec. ende die vierde strijt ende hoe dat die gryeken insetteden ende raet namen hoe si hector verslaen souden

¶ Dits dat xvijste boec dat coninc priamus doe enen raet hadde ofmen coninc thoas die aldaer ghevangen was soude brenghen ter doot

¶ Dit is dat achtiende boec vanden sesten strijde ende vanden bestande drie maenden lanc. ende dat wert doe op die tijt den grieken ghegunt

¶ Dits dat twintichste boeck vanden seuenden strijde. welke strijt dat gheduerde seuen daghe lanck

¶ Dits dat xxiste boeck vanden wenen ende screyen. ende vander droeffenisse der troeyanen om hectors doot

¶ Dit is dat twee ende twintichste boec ende vanden tienden stride In in welcken dat die gryeken versloeghen den coninc van parsen

¶ Dit is dat drientwintichste boec ende die elfste strijt In welcken wert verslagen coninc trestenus van dyephebus Ende dyephebus die wert weder verslagen van palamides der griecken ouerste Ende coninc palamides die wart weder verslaghen van paris

¶ Dits dat xxiiij.ste boeck ende vanden xijsten ende xiijsten strijde Ende oeck van twee maenden bestandt dat den griecken wert ghegunt

¶ Dits dat xxvste boec. Ende die vijftiende strijt Inden welken dat dyomedes dootliken geslaghen wert van troeylus

¶ Dits dat ses ende twintichste boec van achilles doot van sijnre begrauinge die verslaghen wert ouermits liste ende subtijlheyt van hettuba der conincinne

¶ Dits dat seuen ende twintichste boec vander toecoemste van pentheselya van amasonien die conincinne. die welc dat den troianen doe te hulp quam

¶ Dits dat xxviij.ste boeck daer in vertelt wert hoe dat eneas ende anthenor te samen ordineerden ende dachten hoe dat si die stat van troeyen verraden souden ende dat si die dan den griecken leueren souden

¶ Dit is dat negentwintichste boec hoe dat anthenor sprac metten ghenen die dat beelt bewaerde datter gheheten was pallas of paladium of hi dat beelt stelen woude ende datmen dan den griecken seynden ende leueren soude

¶ Dit is dat dertichste boec vanden twiste tusschen thelamonius ayax ende vlixes om dat beelt datter ghenoemt was pallas of palladyum

¶ Dits dat een ende dertichste boec ende daer in vertelt wert hoe dat oetus coninck naulus soen versierde. hoe dat hi breken soude der scepinghen der gryecken die vander stat van troyen quamen

¶ Dits nv dat twee ende dertichste boeck hoe dat horestis coninck agamenons soen dede om sijnre moeder willen wrake ende oec mede aen egistum haren ombetamelijcken man om sijns vaders doot

¶ Dit is dat xxxiijste boeck van vlixes toecoemste inden lande van grieken. ende van sijnre quader auonturen ende misualle doe hi weder quam voer troeyen

¶ Dit is dat vier ende dertichste boec ende hoe dat pirrus weder quam in sinen conincrijcke van thessalien doe hi reysede vander stat van troeyen

¶ Dit is dat xxxvste boeck. daer in wert vertelt hoe dat vlixes wert verslagen van thelagonus sinen sone onwetende

¶ Hier eyndet die historie vander destruxien ende belec van troyen Ende hier beghint hoe dat eneas die die edel stat van troeyen verraden hadde. ende hoe hi wt troyen sciede met sinen geselscap. ende wat hi daer na dede. ende hoe die heren vander stat van romen van hem quamen dat welck seer scoen is ende ghenuechlijc om te horen. ende het behoert oec totter seluer historien. nochtans vintment in luttel boecken ghescreuen. waer bi alle boecken niet perfect of volcomen en sijn