Veelderhande schriftuerlicke nieuwe liedekens, vermaninghen, leeringhen, ghebeden ende lofsanghen

Het Ccxlij. Liedeken.

Op de wijse: Tobias tot sterven gheneghen, etc.

Voor een leere wilt doch ontfanghen,
Hoe ghy u jeuchdelijcke ganghen
Nu fier, sult hier, deurbringhen spoedich
Nae Gods wil goedich.

Lyf en ziele wilt doch begheven

Gods Rijck te soecken in u leven,
Wilt ghy, hoort my, het selve winnen,
⁺Moet ghy beginnen.
⁺Slecht ende recht u nu te keeren
Van der Weerelt, en het begeeren,
Den sin, niet min, daer op te setten
Sonder beletten.

Betrachten met een wesen stille,

Dat nu alleen zy uwen wille,
⁺Verneert, ghekeert, om te volbringhen
Hemelsche dinghen.

Heymelijck int hert’ moet zijn desen

⁺Goeden wille, met Godes vresen,
Godt siet, bespiet, daer op aendachtich
Helpt voort waerachtich.
⁺Recht moet men t’herte hier bereyden
Tot den Rijcke Gods sonder beyden,
Den gront, terstont, doet hier van open
Wilt ghy vast hopen.

Int hert bemint Gods Rijck gheduerich

⁺Boven dees Weerelt onghestuerich,
Die haest, verbaest, en comt ten ende
Met groot ellende.

+ Mat. 6. 33.

+ Eccl. 17. 21.

+ Mat. 18. 3.

+ Luc. 2. 14.

+ Eccl. 2. 20.

+ 1. joan. 2. 15.

[p. 537]

 

Continueert in dese saken,

 

Ghy sult int Rijcke Gods gheraken,

 

Afslaet, noch laet, u niet vermoeyen,

 

Maer wilt u spoeyen.

 

Keert al u saken als die cloecken,

 

Die nu het Rijcke Gods hier soecken,

 

Den ploech, nu vroech, houdt desghelijcken⁺

 

Sonder omkijcken.

 

Soo sult ghy int Rijcke Gods comen,

 

En daer in woonen met den vromen

 

Nu in, den sin, en gheeft ghepresen

 

Naemaels int wesen.

+ Luc. 9. 60.