Veelderhande schriftuerlicke nieuwe liedekens, vermaninghen, leeringhen, ghebeden ende lofsanghen

[p. 146]

Het lxvij. Liedeken.

Op de wijse: In een groot ongheluck ben ick gheboren.

⁺Fonteyne soet vol van ghenaden,
Die overloopt tot aller tijt,
Wilt doch mijn ziele oock versaden,
Mijn Godt die gantsch barmhertich zijt.

Laet uwe barmherticheyt mercken

⁺Ghelijck als ghy my hebt ghemaeckt,
Soo wilt my oock in deuchden stercken
Tot ick ten Hemel zy gheraeckt.

Kere mijn hert, en wilt dat bereyden

Om te bewijsen wat ick mach,
⁺Nu wercken der barmherticheyden
Aen mijnen Naesten nacht en dach.

Iae dat ick mach mijn ziele spijsen

⁺Met Hemels broot, en drincken meest
Levende water int oprijsen
Door uwen goeden heylighen Gheest.

⁺Aentrecken t’cleydt der salicheyden,

⁺Op datse mach Heer zijn becleydt
Met uwer handt wiltse doch leyden
⁺In u herberghe schoon bereydt.

⁺Naer ghesontheyt doet my verlanghen,

Besoeckt my doch in mijnen poot,
Daer ick verstrickt ben en ghevanghen,
⁺Verlost mijn ziele van den doot.

Soo ick dees hulp van u bevonde

⁺Aen mijner zielen openbaer,
Soo soud’ ick u van herten gronde
Loven en dancken lieve Vaer.

Neemt mijner waer, in uwen handen

Beveel ick nu mijn ziel en lijf,
Doet mijn herte tot uwaerts branden,
Daer naer schickt Heer al mijn bedrijf.

+ Ioan. 7. 37.

+ Act. 17. 23.

+ mat. 25. 35.

+ Ioan. 6. 32.

+ Esai. 61. 10.

+ 2. Cor. 5. 3.

+ Luc. 10. 34.

+ Luc. 13. 32.

+ Esai. 42. 9.

+ Psal. 31. 6.