Veelderhande schriftuerlicke nieuwe liedekens, vermaninghen, leeringhen, ghebeden ende lofsanghen

Een scheydt-Liedeken,

nae de wijse: Als nu mijn stondt voorhanden is, etc.

[p. 112]

Dewijl de tijdt voorhanden is
Dat wy hier moeten scheyden,
Soo wil ons Godt alsoo ghewis
⁺Ghenadelijck gheleyden,
Op dat wy dat betrachten voort
Dat wy alhier hebben ghehoort,
En ons moghen bereyden.

Op dat wy dan soo in dien dach

Staen aen sijn rechte zijde,
⁺Als Christus sal maken ghewachm
Comt ghy ghebenedijde,
Besit het Rijck dat u bereyt
Is van begin en eeuwicheyt,
Verlost van allen leyde.

Hierom soo laet ons neerstich zijn

⁺Met bidden ende waken,
Op dat wy hier uyt dese pijn
Tot sulcker vreucht gheraken,
By Godt en sijn Enghelen schoon
Hier boven in des Hemels throon
Der Enghelen spijse smaken.

O Godt daer nae staet ons begeert,

Laet ghy ons dat ghelinghen,
^*Dat uwen Naem worde gheeert,
^†Wat wy spreken en singhen,
⁺Dat het gheschiede met aendacht,
En met der daedt oock werd’ volbracht,
En ons broos vleesch bedwinghen.

⁺Dat het den Gheest ghehoorsaem zy,

^†Dit cort verganckelijck leven,
Met uwer ghenaden woont ons by,
⁺Vwen vre wilt ons gheven,
Houdt ons in rechter eenicheyt,
Bewaert u volck tot aller tijt,
Tot ghyse sult verheven.

En voeren in u eeuwich Rijck,

⁺Met der Hemelscher scharen,
Hier med’ wilt ons ghenadelijck,

+ Matt. 7. 24.

+ Matt. 25. 34.

+ Matt. 26. 40.

* mat. 6. 9.

† Col. 3. 16.

+ Eph. 5. 19.

+ Rom. 8. 13.

† Iob, 14. 1.

+ Luc. 21. 35.

+ 1. Thess. 4. 17.

[p. 113]

 

Godt al t’samen bewaren

 

^†Op dat wy moghen gheschickt staen,

 

^‡Als Hemel en Aerd’ sal vergaen,

 

En Godt sal openbaren.

 

^*Ons ziel en lijf in uwe hant

 

Doen wy, O Heer, bevelen,⁺

 

Blijft ghy by ons tot aen het endt

 

Soo moghen wy niet felen,

 

Dewijl het moet ghescheyden zijn,

 

Willen wy Godt lof singhen fijn,

 

Eenmoedich uyt der kelen.

 

^*V Vader, Soon, en heylighen Gheest,

 

^†Eenighe Godt met namen,

 

^‡Al dat ghy hebt gheschapen meest,

 

Soud’ u loven te samenn,

 

^*Nu wy scheyden aen desen cant,

 

Houdt ons in uwer liefden bant,

 

Door Iesum Christum, Amen.

† 2. Pet. 3. 11.

‡ 2. thes. 1. 7.

* Psa. 31. 6.

+ Luc. 23. 46.

* Mat. 28. 19.

† Ioan. 5. 7.

‡ Ps. 148.*

* Col. 3. 14.