Het Rijper Liedtboecxken inhoudende hondert schriftuerlijcke liedekens dewelcke noyt voor desen in druck en zijn gheweest

Het sevenendertichste Liedeken,

Op de wijse: Ghy Christenen hoort dit cleyn vermaen:
Oft Te Mey als alle de Voghelen singhen, etc.

DIt Liet wil ick u schencken gaen,
Na u begheer heb ickt ghedaen,
Tot sitchtingh wilt het singhen,
In uwe jeught volght dit vermaen,
Want tsijn noodighe dinghen.

EWigh, ewigh, daer is geen ent,

In vreught te zijn, of in elent,
Och schickt daer na u ganghen,
Slaept niet als de dwase verblent,
Wilt nu wacker aenvanghen.

ERen wilt nu u Heere goet,

Volgt niet d'werelt, sy schijnt maer soet,
Och sy gaet bitter loonen,
V Bruydegom volght in ootmoet,
Soo sal hyer u croonen.

CORt is den tijdt volght niet s'vlees raet,

Den duyvel, of de werelt quaet,

[p. 82]

 

Maer u beloften sane,

 

Die ghy de Heer tot uwer baet,

 

In u jeught hebt ghedane.

 

NEerstigh neemt waer u jonghe tijt,

 

Wilt doch vierigh sonder respijt

 

V ledekens beseven

 

Voeghen neerstigh sonder respijt

 

In alle deught te leven.

 

LEt of hindert u yet hier aen,

 

Dat wilt met vlijt aflegghen gaen,

 

Ende u neerstigh spoeden,

 

Dat ghy meught altijt wel beraen,

 

Bereydt zijn als de vroeden.

 

Soo gaet uyt mette maeghden wijs,

 

En loopt stedigh al na den prijs,

 

Ghy sult hem wel becomen,

 

Richt maer u gangh na dit advijs,

 

Tsal u hier namaels vromen.

 

Dus ghy in u jonghe jeught reyn,

 

OCH wilt naet eeuwigh goet alleen

 

Nu haken tallen tijden,

 

Dat ghy hier na in s'Hemels pleyn,

 

Eeuwighlijck meught verblijden.

 

TE Recht wensch ick u naet betaem,

 

Dat Godes gheest seere bequaem,

 

V Leytsman hier wil wesen,

 

En namaels brenghen seer minsaem,

 

In sijn Rijcke ghepresen.