Teghen-liet.
WAt mocht ons Gespeel bewegen
My het trouwen aff te raen?
Neen, 'k en can dit niet verstaen,
Want ten coomt my niet gheleghen,
Eensaem, sonder vrucht, of vreucht,
Door te brenghen al mijn jeucht.
Lieve-koosen, soetjens quelen,
Minne-clachten vol ghenucht,
En soo menich lieven sucht,
T'samen paren, vruchten telen,
T'samen groyen tot een stadt,
Denckt wat frayer dinck is dat!
Nu wel aen, voucht u tot trouwen
Wie daer bist een rap ghesel:
Waerom vreesdy voor ghequel?
Daer en is gheen aert van vrouwen,
Die niet haer vermaeck en heeft,
Soomen reden plaetse gheeft.
Als een Calis trout een rijcke,
t'Ian! die isser dan wel aen;
Hy mach ledich wand'len gaen,
Hier wat gapen, daer wat kijcken,
Is voor al een soet ghewin.
Soo daer, een uyt reyne minne.
Neemt sijns minder by der hant.
Dat gaet wel! een rustich quant
Kiest voor gelt een schoon vriendinne
Die in vrientschap over-stort,
Wats' in rijckdom quam te cort.
In-ghevall' een goet gheselle,
Die't niet al te breet en gaet,
Een verkiest naer sijnen staet,
Dat hy sich te vreden stelle:
Wat geest cloeckheyt om het goet?
T'samen winnen is soo soet.
Soo sick ymant gaet verbinden,
Met een schoon en gheeftich Dier,
Is dat niet een hemel schier?
Nerghens is doch yet te vinden,
Daer het ooch soo soet op speelt,
Als op een schoon vrouwen beelt.
Is u Lief mismaeckt van leden,
Soo ghy maer gebruyckt verstant.
Het en is u gheen mishant,
Moeg'lick isse goet van zeden,
Isset niet: de schad' is cleen,
Heest u Wijff soo wat vant malle,
Rekent dat voor gheen ghebreck:
't Is gheen kermis sonder geck.
Treurt doch hierom niet met alle.
Die wat malt, hout best haer jeucht;
Vrouwen sotheyt, mannen vreucht.
Is u Vrou soo out van jaren
Datse niet en kindert meer,
En bedroeft u niet te seer:
Siet! nu moechdy spelen varen,
't Huys en laetje gheenen last,
Sonder kinders, liever gast.
Is u Lief niet wel ter talen,
Valt haer tonghe traech off crom,
En ontset u daer niet om;
't Sal haer aen gheen spreken falen,
Noyt en wast mans onghemack,
Dat sijn wijf te luttel sprack.
| |
Rekent dat voor gheen belet,
Veel die prijsen dit int bed',
't Is u by-slaep, niet u winde.
Sy en loopt om prijs, noch winst;
Goede vrouwen loopen minst.
Heest u Lief soo quae manieren,
Dats' u groet met norts gedruys,
Siet! nu leerdy, binnens huys.
Ander luy ghebreken vieren.
t' Gaet u wel, dat ghy die deucht,
Soo gevouch'lick leeren meucht.
Liefde wetet al te voughen,
Liefde neemtet al voor goet,
Liefde maeckt van bitter soet;
Liefd' is moeder van ghenoegen,
Liefde is vindster van gherief;
Noyt en vontmen leelijck Lieff.
Bona de malis elicere, sapientis est.
| |
32. q. vers. si vxorem.
SIvxorem quis habeat sterilem, sine corpore deformem, siue debilem membris, vel caecam, vel claudam, vel sur dam, vel si quid aliud sine morbis, doloribus laboribus que confectumm, & quidquid (exceptâ fornicationis causâ) cogitari potest vehementer horribile; pro societate, fideque maritus sustineat.
|
|
Auteursrechtvrij