Maechden-plicht ofte ampt der ionkvrouwen, in eerbaer liefde, aen-ghewesen door sinne-beelden

[p. 22]

Quaem't
Ick naem't.
Tel refuse,
Qui apres muse.

phyllis.

HOort doch, vvat my coomt int ghedacht,
Ick hebb' onlangs gehoort de clacht,
Van een, ons vvel bekende, maeght,
Niet leelijck, maer soo vvat bedaeght,
Die by een Roos ken haer gheleeck,
En sprack, ghelijck als ick nu spreeck.

Als eerst dat jeughdich purper-root

Quam puylen uyt mijn teeren schoot,
Doen stont ic vast op mijnen steel,
VVie my genaeckte vvas te veel;
Ic schrabd', is prict', ic quetst', ic stack,
Een yders hant die aen my track:
Maer doen mijn jeught en glans verdvveen,
Viel ick, nau aen-geraeckt, daer heen:
Ach! die met een beleefde hant,
Tot een bemint en vveerdich pant,
Voor desen niet vvou zijn gepluckt,
VVord' nu met voeten onder-druct,
Ay my! die eerst-mael niet en vvou,
VVat ist dat ick nu niet en sou?
Te vvesen vveyg'rich, prat, en steegh,
En dee noyt jeughdich meysken deegh,
VVant als den rimpel coomt int vel,
Jndien het quaem, sy naemet vvel.

Virginitatis honos, virginitate perit.

phyllis.

DVm Rosa flore novo, folijsque recentibus halat,

Invida spinoso cortice tecta latet;

Quin, pueri, cohibete manus: rubus asper in illâ est;

Qui legit hanc tenero pollice, vulnus habet:

Mox tamen illa dabit patulo se flore videndam,

Et fluet, & duro sub pede pressa gemet.

Dulce puella procis primae sub flore iuventae,

Hoc demùm lepidus tempore gaudet amor.

Si qua diu virgo est, vix virgo videtur amanti;

Quaque dies partem virginitatis habet.

Dum novus ergo vigor praestat dare nomen Amori,

Saepe puella negat, quod dare vellet anus.