Mosalect. Bloemlezing uit de Limburgse dialectliteratuur

[p. 306]

Kómmend naojaor
Sittards

De karre kómme knarrentaere
Mit klee van 't veldj, mit kroteblaar.
Taenge den aovend, langs lenjerieë
Wurd me eine sjwaoren damp gewaar.

Dat is 't vergange louf van de aerpel
In brandj gezat, dat gluit en sjnirk:
Dat is 't wo-aan me 't inj van oktober
en 't kómme van november mirk.

Es doe de illusie van dien jónkheid
Verbrenne geis, dan is 't versjliet
Ouch van den hart veur goud begoos en
Den aovend van diene zomertied.

Felix Rutten

[p. 307]