Mosalect. Bloemlezing uit de Limburgse dialectliteratuur

[p. 287]

Ontvelt mich döks...
Roermonds

Ontvelt mich döks 'ne sjtille naober
mit vruntjelek gezich,
dae edren daag vanoet zie vinster
eine glimlach had veur mich,

dan is de sjtraot alweer get laeger:
ich mis einen aaje miens,
dae aan zie vinster, vól intresse
- en gaaroet neet verkiens -

mit ouge, die 't laeve wiste,
eineder vólge kós.
Noe is allang de raam gesjlaote,
de vinsterknoep berós.

Noe is de sjtraot alweer get laeger,
en van mie laeve is
alweer ei sjtökske aafgesjtórve:
eine naober, dae ich mis.

Jo Hansen