Mosalect. Bloemlezing uit de Limburgse dialectliteratuur

[p. 83]

Houtem-Sonnet
Holtums

't Haw zich versjtoake achter buim en hêgge,
De maetjes sjpeelde in d'n allei;
Alle moders beeke zelf de wêgge,
En de keu leepe in de wei...

't Haw zich versjtoake achter buim en hêgge,
De boere wirkde op de hei;
De hoonder kakelde: ze ginge lêgge
En de jônges vösjde in 't Gelei...

Mer ze höbben 't toch gevônje,
Wo vreuger 't koare woort gebônje
Sjterve lênje bie 't kesjtéel!

Ze höbbe Houtem toch gevônje,
In plaats van veljer: industrie!
Gelökkig, weer höbbe nog oos ‘hermenie’!!

H.H.v. Sloun