Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

In oud-Dietsche rijmen, naer een perkementen handschrift uit de XIVde of XVde eeuw

[fol. xxviv]

Hoe dat si voerseide een slachtinghe.

Op dien dach ende op dien tijt,
dat te Steps die iammerleke strijt
was, tuschen den Hertoghe van Brabant
ende sijn wedersake, sijn viant,
daer vele hondert minschen bleven
verslaghen, als men vint bescreven;
doen lach Kerstine ende riep ende creet,
als die in arbeit van kinde geet,
ende sprac: ‘Ay, ay mi, God de goede,
ic sie van swerden ende van bloede
de locht al vol; loept, sustre, sere,
loept, ende bid nu onsen Here;
sturt trane ende weent betterlike,
dat God van den hemelschen rike
toene sijn grote genadechheit
in fier groter tornechheit,
ende sijn abolghe moet laten sinken,
ende fier ontfaermhertechheit moet gedinken.’

[fol. xxvijr]

 

Mettien sprac si eenre nonnen toe,

 

die in sinte Katlinen cloester was doe:

995

‘Loep, dochter, haestelec te dinen gebede,

 

ende bid Gode, dat hi doe genede

 

dinen vader, die nu es

 

in groter noet, geloof mi des.’