Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw (1850)

Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

(1850)– Broeder Geraert– rechtenstatus

Auteursrechtvrij

In oud-Dietsche rijmen, naer een perkementen handschrift uit de XIVde of XVde eeuw

Vorige Volgende


Van den iammere dat si maecte voer de gene die verdoemd waren. 865[regelnummer] Si vlau oec alte ernstelec sere werelec glorie, prijs ende ere; ende seide dat daer om sundelinghe, veel meer dan van andren dinghe, de gene torment souden liden, 870[regelnummer] vroegh ende spade in allen tiden, in die helle ocht int veghvier, dien Xpc in dit leven hier verstennesse der waerheit heeft gegeven, ende daer na niet en willen leven…
[Folio xxiiijr]
875[regelnummer] Als drueve ende rouwech plach si te gane altoes, als dier God gaf te verstane der geenre loen, die daghelike storven, beide arm ende rike, weder dat si worden verloren, 880[regelnummer] ocht dat si waren utvercoren… Als ieman in de stat was doet, dies mesdaet dat had geweest so groet, dat hi verdoemt was, ende si dat kinde in den geeste, die Gods geminde, 885[regelnummer] so wenese sere ende maecte groet seer, ende quelde haer selve, ende quelde haer noch meer: crumde haer arme op ende neder, ende broecte haer vingers ginder ende weder, ende broekese so geredelec, datd sceen 890[regelnummer] dat si morv waren sonder been. De rouwe dien si daer af moest draghen, was onverdraechleke hen allen died saghen; want si toende so groten rouwe, dat nieman so hert en was, man noch vrouwe, 895[regelnummer] die sonder groet iammeren consten gedraghen, dat iammer, dat si aen haer saghen..
[Folio xxiiijv]
Voer die oec die storven, ende die souden te hemelrijc comen ende wenden behouden, so spranc si oppe ende was so blide, 900[regelnummer] datd wonder was tien selven tide te scouwene die grote bliscap, die si daer omme dreef, die maghet vri. Daer om de gene die de cracht haers geests bekinden ende die macht, 905[regelnummer] si mochten wel merken oppenbare aen haren rouwe, ocht aen hare bliscap die si dreef, wat dien, die in de stat starven, soud gescien. Si stont genedechlec ende willechlec oec bi 910[regelnummer] die laghen ende starven, ende troestese, dat si hen biechten van allen haren mesdaden, ende daer af penitencie daden; ende boedscapd hen troest ende geval ter bliscap die euwelec duren sal. 915[regelnummer] En oec ververesise metter pinen, daer men den sundere sal met traihinen, sonder inde ende euwelike; dier pinen es engeen gelike.
[Folio xxvr]
Dat en deed oec de maghet rene 920[regelnummer] aen de kerstene liede allene, maer aen de Joden deed si oec dat, dier alte vele doen was ind stat; ende had met hen so groet meedoghen, dat sise bekeert hadde, had si bemoghen, 925[regelnummer] alle watter was ind stat; ende seid hennende getueghde hen dat, dat Xpc ware in allen dinghe ontfaermehertech, maer sunderlinghe den genen, dien waren haer sunden leet, 930[regelnummer] ende te bekerene te hem bereet; ende dat hi alte node neemt wrake over den sundere; maer dat hi suect sake, als si hen in sunden hebben versoemt, daer si omme souden werden verdoemt: 935[regelnummer] so suect hi ocsuen hoe hine mochte verlosen, dien hi diere cochte; ende hoe hise selech mochte maken, die onselech waren met sundeleken saken. Als si dit seide van onsen Here, 940[regelnummer] so waert si overgoten sere
[Folio xxvv]
met wonderleker gracien van haren monde op die selve ure ende op die stonde… Si seid oec, dat die stat weer bi der hellen van Gode geleght, daer si 945[regelnummer] moeten in liden haer veghvier, die met swaren stunden hier op ertrike hebben omgegaen, daer God sijn gracie hadde met gedaen, ende had hen in dinde docht rouwe gegeven, 950[regelnummer] daer si met also behouden bleven. Na de woerde sinte Kerstinen, so es die stat so gruwelec van pinen, dat tuschen de helsche pine ende de gene engeen ondersceden en es, dan allene 955[regelnummer] dad dat hoer hoep es ende hoer troest, dat si doch moeten werden verloest. Si seid oec dat voer seker waer, datte viande bi hen sijn daer, ende datse den vianden van der hellen 960[regelnummer] gelevert sijn, diese daer quellen also vele te swarleker, als sijt wel weten, dat si corteren tijt
[Folio xxvir]
selen moghen de gene daer quellen, dan die si quellen in der hellen, 965[regelnummer] dies nommermeer inde werden en mach: des werd doch inde voer doemesdach///

Vorige Volgende