Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

(1850)– Broeder Geraert– rechtenstatus


Wiedwijs dat si was gepijnd in den viere. Doen begonst si te doene die dinghe daer om dat si was sunderlinghe gesint hier weder in ertrike, ende croep in dovene wonderlike, 405[regelnummer] die daer waren alte heet, om te backene broet gereed. Daer leet se heite menechvoude, als ieman van ons liden soude; so dat sijt hadde daer so heet 410[regelnummer] dat si van groter pinen creet. Nochtan van buten so en sceen aen hoeren lichame quetsinghe engeen. Ende als si geen ovene en const gewinnen, so warp si haer selve te male binnen 415[regelnummer] der liede hues al in den brant, daerd vier meest was, ocht voet, ocht hant,
[Folio xiv]
ende lietse so langhe daer inne staen dat si sijn mochten taschen vergaen, en had God met miraclen gedaen. 420[regelnummer] Si ginc oec sulcwile in ketele staen die vol van wallende watere waren toter borst, al sonder sparen, ocht toten lindenen oec, daer weder dat si waren hoghe ocht neder; 425[regelnummer] ende de lede der goeder Kerstinen die buten bleven los van pinen, daer op so goet si so gruwelec heet water, dat si van pinen creet, als die van kinde in arbeid geet. 430[regelnummer] Nochtan als si quam ute, God weet, soen sceen van buten engene quetsinghe aen haren lichame sunderlinghe….