Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd


[28] hoe dat een vrouwe die in arbeit ginc van kinde verloest was met lutgarden gurdele 935[regelnummer] Een edel urouwe daer ic af vinde dat si in arbeid ginc van kinde swarlec ende sorchhelec oec daer mede.. Nv hoert wat men der urouwen dede men haelde enen gurdel ter vaert 940[regelnummer] van perts hare dat sinte lutgaert die heilege maeght dat heilege wijf the dragene plach aend bloete lijf daer si haren lichame mede castide ende oec pine dede.. 945[regelnummer] Dat gurdel leide die sieke urouwe op haren licham om hoep ende trouwe die si hadde ter werder lutgaert ende wart daer met verloest teruaert ende baerde een kint met urouden sonder 950[regelnummer] eneghe pine dat was groet wonder.. Dat si dit dede ende des ghelijc dicwijl aen arme ende aen rijc
[Folio 102v]
dat es geprueft genoegh ende sere.. Nu si geloeft de hemelsche here 955[regelnummer] di wonder met sinen heilegen werct daer hijt gheloeue sere met sterct daer toe had hi dees maeght vercoren ther gu^oeder tijt was si gheboren want si met gode jn hemelrike 960[regelnummer] sal leuen ende leeft euwelike.... Dees maeght die god sus vtuercoes si moete voer ons bidden altoes dat ons god ter noet bi sta.. Amen dicant nvnc omnia....