Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[26] hoe dat een nonne har macht proefde in den lylien 875[regelnummer] Hier moghdi horen wonder groed Een nonne si had so cranc har hoed dat si en conste geliden nyet den roeke van lylien en twinteken yet.. Doen haer dees crancheit ende dit verdriet 880[regelnummer] langh had ane gehangen, gescied dat men op sinte lutgarden graf lylien sette daer har af eysde in den siene allene dat benam har de maget rene 885[regelnummer] want doen si har hoed stac in de doere om dat si proeuen woude ocht hoere de roeke yet deren soud daer af
[Folio 101r]
ent hare en geen beswernes en gaf so ginc si toet opt graf te hant 890[regelnummer] ende nam de lylien in de hant ende hiltse voer haren nese gereet ende en gevuelde pine noch leet noch oec swere in har hoed dies so was har bliscap groet... 895[regelnummer] Dees selue nonne daer ic telle aue si quam eens nachts te haren graue om dat si daer op beden woude Ende alsi neder vallen soude viel si met eenre oghen sere 900[regelnummer] jnd scarp van enen kandelere jnd iser bouen, ende te hant so warpse schegen har oge har hant op dat sijs hielde dat si nyet neder en viele, maer dat sijs in stec weder.. 905[regelnummer] Doen sprac die nonne toter gu^oeder lutgarden, wat eest o heilege mu^oder wat es mi nv hier saen gescied jc en quam hier elders om nyet dan ic v eren ende werdeghen woude 910[regelnummer] Ende daer ic neder vallen soude
[Folio 101v]
so uerloes ic mijn oghe die ghi ghehued soud hebben te rechte mi ende daer ic wachtende was af geual dats mi vergaen the lede al.. 915[regelnummer] mettyen stont si oppe saen ende ouer corten tijt ginc staen har oghe op har rechte stat als si teuoren stont ocht bat

Vorige Volgende