Leven van Sinte Lutgart

[33] Wie dat haer eens arms wijfs ontfarmde ende dat har god hied datse seide portio mea

Eens tijts so sach si een arm wijf
daer haer herte ende haer lijf
met doeghde sunderlinghe sere
Doen sprac toet hare alsus ons here
jn den salm so steet ghescreuen
mijn deel es god died al moet geuen.
Dat verstaet alsus ende wale
v deel dat been ic themale
Gien hebt anders op ertrijc nyet
daer om als ghi en armen syet
die v enege almoschene bid
so andwert hem ende segt hem dit
noch goyt noch seluer en es met mi
dat ic hebbe dat gheue ic di
Bid voer heme ende sijt hem getruwe

[fol. 67r]

 

[na ] gi hebt ghegeuen duwe

 

[da]er na nyet langhe alsi quam

 

[to]et verren sybillen van gagis vernam

1485

[si], daer si de glosa las

 

[da]d gewaerlec also was

 

[al ] sijt van gode had ontfaen

 

[d]ied haer gereckelec dede verstaen

[33a][W]ie dat een moenc van haffligem van haer was ghetroest.

[U]an enen monc van haffligeem
vind wi also bescreuen dat hem
[ee]n prochye was beuolen buten
[d]aer volc in woende van dissoluten
[l]euene, ende wonderleken seden
[d]ie veel wonders wrachten ende deden
[d]aer hi om was tonghemake
[e]nde bat haer dat si om dees sake
[g]ode woud bidden harde sere
[d]oen gaf haer andwerdde god ons here
[s]prect ic heb ons heren verbeyd
[e]nde hi en heft mi nyet verleyd.
[d]aer af gewan hi groten troest
[e]nde wart van allen sorgen verloest
[e]nde berichte sijn prochye wale

[fol. 67v]

 

hier af laet ic nv de tale.