Leven van Sinte Lutgart

[27] Wie dat een man allene jn dien dat hise aensach rouwe gewan van sinen sunden.

EEn abd uan hafflighem her ian
hi bracht toet lutgarden enen man
di man ward wederslaghen sere

[fol. 64r]

1360

doen hise aensach, dies had dien here

 

dien abd groet wonder, ende alsi quamen

 

Daer af verre varende the samen

 

so sprac di abd den manne toe

 

van desen dinghen, nv hoerd hoe

1365

Saeghdi ginder yet saeghdi

 

dat heileghe wijf, doen andwerdde hi

 

van dien wiue di wi daer saghen

 

ward ic so gruwelec wederslaghen

 

dat mi mijn sunden alle sijn leet

1370

ende icse ben te betren ghereet

 

ende dunct mi dat ic ben ontladen

 

van minen sunden met gods genaden

 

so dat ic vallen weder nyen mach

 

want doen ic in haer anscijn sach

1375

so sceend na dat dunken mijn

 

dat ic sach dat godleke anscijn

 

¶ Dat dit alsus gheuyel themale

 

dat const di abd vertrecken wale