Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[18] Wie dat men sach dat een vlamme vte haren monde ghinc doen se sanc in den coer Men conste geloeuen nyet lichteleke 915[regelnummer] wie vtermaten blideleke si haer ghetiden te singhene plach... Doen gheuielt op enen dach dat si haer uesperen na behoer metten nonnen sanc in den coer 920[regelnummer] daer sach een nonne di scegen haer stont dat vt sinte lutgarden mont een clare vlamme op ginc doe toet inde hoeghheit der locht toe. Als de nonne dat wonder sach 925[regelnummer] dies si teuoren the siene nyen plach verveerde si haer so seer dat si binalecs comen was daer bi dat si daer stappans voer hen allen
[Folio 54r]
van anxste in ommacht was geuallen... 930[regelnummer] Doen na uesperen nam lutghard de nonne ende troestese ende sprac dees waert. Jc wille dat ghi v nyen versaeght van der visien die ghi saeght want si v van gode nv es 935[regelnummer] vetoent dies moeghdi sijn gewes ende ghi moeght daer inne verstaen dat si van gode es ghedaen....... ¶ O ghi died leest nv merct ende siet dat dit veel heileghen es ghescied. 940[regelnummer] Ende merct oec voerwerd dat ons mach metter vlammen die men sach wel sijn betekent haer bernende gebet dat heet was, reyne ende onbesmed... ¶ Meneghen geesteleken minsce hads wonder 945[regelnummer] dat si di grote tekene sonder jdel glorie ghedoen mochte want dan den lieden wonder dochte so andwerd ic also alsi selue seide de maghet vri. 950[regelnummer] Na der waerheit der historien was si so vol der geestleker glorien
[Folio 54v]
dat haer van buten nyen const gescaden en geen vaen glorie noch staen tonstaden want di heileghe geest had van 955[regelnummer] haer gemaect als hi wel can een onberruerlec columpna die vast ende starc was, sceghen alle last.

Vorige Volgende