Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[12] hoe dat yolende een nonne der guoeder lutgarden oppenbarde na har doed ende wat si har seide.. Een swerte nonne hied yolende en werelec ionfrou ende een verwende di woende in en cloester dat daer 675[regelnummer] opte sambre stont voer waer si voer alst haer lutgart ried te hawiers wonen ende lied haer cloester, si was morv ende teder sien was oec van geboerten nyet neder 680[regelnummer] want si was edel ende wel gheboren Dees nonne had lutgart so seer vercoren dat si ernstelec voer haer bat onsen here gode dat hi der ionfrouwen sijn gracia gaue 685[regelnummer] dat si der sunden moeste staen aue
[Folio 48v]
ende hi en const haer ontsegghe niet maer dat si bat heme, dat gescied want si in doeghden also toe nam dat si the heileghen leuene quam 690[regelnummer] Ende als dees nonne menech iaer haren sceppere gedient had daer so liet hi haer den tijt verstaen dat si soud steruen, doen ginc si saen te luthgarden ende seide ic bid u dat gi 695[regelnummer] alte ernstlec bid voer mi want mijn leuen ten jndewerd geet ende mi sciere de doed besteed. Doen andwerd haer de werde lutgart en sijt sprac si nyet veruaert 700[regelnummer] maer beid ons heren conlec nv jc ben seker dat hi met v werken sal ghenedechleke ende sal verloschen v corteleke van der pinen di ghi ontsiet 705[regelnummer] maer na v doed soen lates nyet gi en comt ommer weder te mi ende als gi comt, ten irsten seldi dan spreken benedicite
[Folio 49r]
ende daer na voert sprect oec mee 710[regelnummer] pater noster ende dat salud dat dingel marien brachte, al vd om datte viant nyet op en bringe bedrochhennesse ocht enege veisinge. Si starf in groter innechheide 715[regelnummer] also alsi haer doed voerseide Daer na dat si van ertrike scied soen leden dertegh daghe nyet dat yolende op enen dach haer oppenbarde dar si lach 720[regelnummer] jn haren ghebede de gu^oede lutgart ende sprac ten irstenmale tervaert benedicite ende alle dat dat si haer segghen hied ende bat Doen seid si weder dominus 725[regelnummer] ende sprac toet yolenden alsus O dode wat eest wie steed met di god sprac si en heft versmeed nyet mi om de groetheit miere sonden maer ic heb groet genade vonden. 730[regelnummer] Doen yolende dat troestelec waerd gesproken hadde veruoerse teruaerd
[Folio 49v]
ende lutgart gebenendide sere met bettren tranen onsen here die aen den sundere toent sine genade 735[regelnummer] als bekeert hi dicwijl spade.

Vorige Volgende