Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[9] Wie dat har was geuen te uerstane dat se anderwerf .vij. iaer soud vasten voer de sundere gemeyleke Ende datse har offerde gode DOen die seuen iaer waren comen ten jnde, die si had genomen te vastene te brode ende the biere 475[regelnummer] wart haer geheten dat si sciere voer de sunderen ghemeyneleke soud uoerwerd uasten, dat nam si liefleke ende vaste di ander seuen iaer jn brode ende jn olyen voer waer 480[regelnummer] doen wart haer herte so beruert dat si wart in den geeste gevuert daer si sach staen met verschen wonden al bloedechtech roed ende onverbonden jhesum cristum bi sinen vader 485[regelnummer] die hem toende de wonden algader
[Folio 44r]
om dat hi te bat soud horen sijn bede di hi uoer den sunder dede Daer kerde hi heme vriendelike dies vaders sone van hemelrike 490[regelnummer] toet lutgarden ende sprac haer toe. ¶ siedi yet sprac hi doen, hoe dat ic mi moet offeren voer den sundere minen vader, also begere ic, ende wille oec, dat ghi mi v 495[regelnummer] voer den sunder al offert nv ende dat gi mijn abolge van hen keert die schegen hen es seer ghemeert ende schegen hen es seer ontsteken jn eer wraken di hen soud neken. 500[regelnummer] hi seid haer oec dies selfs gelike jn der messen daghelike. Haer gebed had grote cracht dat si sturtte dach ende nacht ende dat vasten ende di labore 505[regelnummer] ende di pine di si vore den sunder dede, dat di was groet dat getughde wel in haer doet de seleghe maria van oignies
[Folio 44v]
di nv met gode in hemelrijc es 510[regelnummer] daer si met haren doke bant haer hoeft, ende wart gerurt tehant metten geeste der prophecyen. Nu hoert de prophecie marien Onder den hemel seid si soen heft 515[regelnummer] de werelt en genen minsche di left di gode es also ghetrouwe als lutgart es di heilege urouwe. Ende nyman en heft de macht so sciere te verlosene vten veghviere 520[regelnummer] de sielen met haren heilegen gebede. wie op haer roept hi vint genede. Haer gestlec miraclen waren doen groet lichamleke oec na haer doet du^oet si noch ende heft ghedaen 525[regelnummer] di menegen hebben jn staden gestaen. Dat dit waer es dat ic hier scriue ghevuelde menech in haren liue ende na haer doed soen liet si niet aue jn allen manyren te geuene gaue 530[regelnummer] van genaden ouer al alst boec hier na getughen sal.

Vorige Volgende