Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[7] Wie dat jnnocentius de paus har oppenbarde doen hi doed was tehant De paus die jnnocencius hied die derdde, hi starf ende verscied na dien tijt dat was begaen 335[regelnummer] de consilie the lateraen ende also saen als hi was doet quam hi toet hare jn groter noet ende oppenbarde haer sienleke daer ende al sijn comen sach oppenbaer 340[regelnummer] met eenre groter vlammen omvaen so vreghese wie hi were alsaen. Doen andwerdde hi ende sprac alsus Jc ben de paus jnnocencius Doen suchtese sere ende sprac hem toe... 345[regelnummer] Wad eest mijn geestelec vader ende hoe steed sus met v dat ghi moetd liden dees grote pine nv the tiden ghi di ons gestlec vader waert Doen andwerd hi haer weder tervaert. 350[regelnummer] ¶ Drie saken sijn sprac de paus de here daer om ic werdde gepijnt sus sere om die drie saken had ic waerlike
[Folio 41r]
gheweest verloren euwelike en had ghedaen de gods gheminde 355[regelnummer] moder die mi jn mijn jnde aen haer kint halp dat ic van minen sunden rouwe ghewan want ic haer een cloester maecte so stont si mi bi de wel geraecte 360[regelnummer] maght maria jn mienre noet dat ic ontginc der euweger doet nochtan so salic liden moten alte grote pine toten lesten daghe dat god sal 365[regelnummer] ordel gheuen ouer al de liede di noyt lijf gewonnen. Dat mi god oec nv woud onnen dat ic hier mocht comen toet v om help te biddene van v nv 370[regelnummer] dat verwarf mi aen haren sone de lieflec maght di proper di scone di moeder der ontfarmechheit. Als de pauwes dit had gheseit so veruoer hi daer na teruaert. 375[regelnummer] Doen vercundeghde de werde lutgaert
[Folio 41v]
den nonnen daer binnen sinen noet die nyet cleine en was maer groet ende bat dat si hem stunden in staden ende getruwelec uoer hem baden. 380[regelnummer] Si selue doghde oec met hem sere ende bat uoer hem onsen here met herten alte ghetruweleke ende quelde haer seluen iammerleke. Die drie saken daer om dat hi 385[regelnummer] soud hebben gheweest verdumt seid si lutgaert den genen di har leuen jn latine had bescreuen maer hien woude di drie saken nyet voert scriuen noch cont maken 390[regelnummer] om reuerencie dies paus dies heren dien men met recht moet werdegen ende eren.

Vorige Volgende