Geestigh liedt-boecxken
(1621)–G.A. Bredero–Stem: Helaes Amour!Ick klaegh u lief mijn groot torment,
Dat ick by nacht en daghe
Om u ly, o Maeghdelijn jent!
Maer nu moet ick u klage:
| |
[pagina 225]
| |
Want de noot verwint de smert,
Dien ick ly in mijn ionck hert.
2 Ist nacht of dach, ick peynse, siet,
Om u, o mijn Vriendinne!
Dus heb ick inwendich verdriet,
Want ick brand heet in minne,
So dat ick door desen brandt
Schier verlies al mijn verstant.
3 Gheluckich was mijn ionghe tijt,
Doen ick eerst heb ghekreghen,
Dees liefd' op u met grooter vlijt,
V aenschijn kon 't al beweghen
Deur u vriendelijck aensien,
So quam liefde in mijn vlien.
| |
[pagina 226]
| |
4 Die liefde werckt nu haer kracht
Elaes! en doet mijn swerven,
Door dees druck verlies ick macht,
Dus wens ick nu om het sterven,
Sonder troost te leven, siet,
Doet den Minnaers groot verdriet.
5 Troost mijn lief bid' ick voorwaer,
Laet my niet alleen gaen dolen,
Eenicheyt is armoed swaer,
Dat is mijn niet onverholen,
Dat ick 't besoeck dat is mijn leet,
Die niet besoeckt die niet en weet.
6 Oorlof Princes o reyne schat
Dat swaerlijck is ghewonne,
| |
[pagina 227]
| |
Van my, iont my u vreuchde plat,
Door grooten druck van my verslonne,
Want men seyt een ghemeene praet
Hy verkryget die aenstaet.
|
|