Gegeven keur(1942)–P.C. Boutens– Auteursrecht onbekend Vorige Volgende [pagina 75] [p. 75] Dat liet van den Rhynscen wyn Die wonen bi den ouden Rhyn, Si werden out begraven. Ten is gheen dranc als Rhynsce wyn Een dorstich hert te laven! So ghi wilt lanc gheluckich syn, Drinct Rhynscen wyn, Drinct Rhynscen wyn! Ten is gheen dranc als Rhynsce wyn Een dorstich hert te laven! Ic vriede jonc een maechdekyn, Si was ghelyc ere bloeme, Myn herte cramp van soeter pyn Als icse hoorde noemen... Si sprac: ‘Het sal een ander syn! Die Rhynsce wyn Smaect u te fyn! Gheen man en sterft van hertenpyn Bi enen vollen roemer!’ Sint scenct mi menich maechdekyn, Ic deet naer haren woorde, Den claren beker Rhynscen wyn Ghevult tot aen den boorde. Als was versmolt die hertenpyn: Die Rhynsce wyn Was medicyn! Langt mi den beker Rhynscen wyn Ghevult tot aen den boorde! [pagina 76] [p. 76] Doe ic haer sach den lesten keer, Si was ene weduvrouwe, Doe hadde si dat hertenseer Dat si mi soude trouwen! Ic sprac: ‘Dat was voor enen keer, Maer nemmermeer, Maer nemmermeer! Drinct Rhynscen wyn! Van hertenseer En sterft gheen weduvrouwe!’ Die wonen bi den ouden Rhyn, Si werden out begraven. Ten is gheen dranc als Rhynsce wyn Een dorstich hert te laven! So ghi wilt lanc gheluckich syn, Drinct Rhynscen wyn, Drinct Rhynscen wyn! Ten is gheen dranc als Rhynsce wyn Een dorstich hert te laven! Vorige Volgende
Auteursrecht onbekend Auteursrecht onbekend Auteursrecht onbekend
Auteursrecht onbekend
Auteursrecht onbekend