Alianora

[p. 31]

Bermherticheit

Bermherticheit ghi wondercruut,
Van Gode selve ons ingheplant,
Dat breect in soete vaerwen uut

Van bloessemen ontloken,

Ende vult der eerden dorre lant

Met Paradysscen roken.

O Vrouwe doe ghi nederboocht
Ende in demoedicheit ghekniet
Die rauwe wonden aen u toocht

Met uwen hoghen handen

Na tbeelt ons Heren daer Hi liet

Den throon om onse ellende, -

Mi dromede dat den Gheest mi nam
Ende inbracht onder Symons dac
Doe daer met heten tranen quam

Die salighe sondaresse

Ende over Jesu voeten brac

Haer alabastryn flessce:

Met haren tranen menghede si
Die salve daer sise overgoot,
Die nate voete droghede si

Met haren langhen haren.

Die gore der hemelen doorscoot

Die camer daer si waren.

[p. 32]

 

Mi dromede dat den Gheest mi nam:

 

Ic stont daer Jesus wart geleyt

 

In tgraf na bi Jherusalem:

 

Ic sach die heylighe vrouwen

 

Met speceriën toebereyt

 

In also groten rouwe:

 

 

 

Met haren handen wiesscen si

 

Die dode wonden bloederoot,

 

Met haren tranen mengheden si

 

Die costelike salve:

 

Dat licht der hemelen omsloot

 

Die duustere ghewelven.

 

 

 

Bermherticheit ghi wondercruut,

 

Van Gode selve ons ingheplant,

 

Dat breed in soete vaerwen uut

 

Van bloessemen ontloken,

 

Ende vult der eerden dorre lant

 

Met Paradysscen roken.