Het prieelken der gheestelyker wellusten

Een gheestelyck liedeken,
op die wyse: Siet wat daer ghescreven staet.

Peyst o mensche tot alder tyt,
Dat gij maer stof der aerden en zijt,
Weest ootmoedich zonder veysen,
Want ghij moet uutter werelt reysen.

Wilt u doch in tyts bekeeren,

Ende inwendighe deuchden leeren:
Gaet u leven ondersoeken
In allen uwer zielen hoecken.

Ghij moet al sterven dat weetty wel

Al valt u quade natuere rebel:
Wacht u van alle quade,
Ende bidt Godt om ghenaede.

U werken en hebben niet ghedocht,

Altyt hebdi wellust ghesocht,
In zinnelycke saeken
Hebdi u willen vermaecken.

Die creaturen hebdi bemint,

Tot hem was u herte ghesint,
Nochtans ghevoeldi van binnen
Dat ghij Godt behoorde te minnen.

Alsmen u van penitencie sprack,

Dan socht u lichaem zyn ghemack,
Ten wilde hem niet versterven,
Noch zynen wille derven.