Gemmarum et lapidum historia

De Geode. Cap. CCI.

GEodes lapis est rotundus terram aut arenam continens, hunc ad tertiam speciem aetitis redegi. Dum terram continet vel arenam non sonantem, Geodes propriè nec ineptè vocari potest.

[p. 189]

Quicunque non terram, sed arenam etiam induratam sonantemque in se habet aetitis nomen non meretur, sed Geodis. Reperitur in Misnia & prope Pilsnam Bohemiae, colore est rubiginis ac pugni caepe magnitudine, nullius, quod sciam, vsus: nisi quis dum exactè rotundi sunt, iis maioribus bombardis explodendis vti velit. Reperitur aliud Geodis genus prope Aretium, candidum, figura oblonga vtrinque acuminata specie stercoris canini. Videtur ex argilla parum condensata constare. Si frangatur, ex crustis eiusdem substantiae aggregatae ac friabilis coaluisse, instar lapidis bezoar deprehenditur. Fortassis Bezoar est Aegypti fossile vel aetites foemina Plinii, & species osteocollae, vel ossifragi lapidis.