Den Gheestelycken leeuwercker vol godtvruchtighe liedekens ende leyssenen
(1645)–Guilielmus Bolognino–
AuteursrechtvrijBedeylt indry deelen
Op de wijse: Ingtat ie veux mourir.
Ignati, van den Heer
Soo wonderlijck verheven,
Ghedoocht dat ick u eer,
En prijs' u heylich leven,
Dat ons dient tot een licht,
Tot allen deughden sticht.
IGnati, van den Heer
Soo wonderlijck verheven,
| |
[pagina 291]
| |
Ghedoocht dat ick u eer,
En prijs' u heylich leven,
Dat ons dient tot een licht,
Tot allen deughden sticht.
Godts meerder glorie u
Men sach altijdt betrachten,
Noot die te soecken mu
Met allen uwe crachten,
Dit was u eenich wit,
Waer gh' op soo waert verhit.
Dit heeft u oock verweckt
Die Orden op te stellen,
Die hondert jaer nu breckt
De groote macht der hellen,
De sond' en kettery
Verwint aen alle zy.
Waer door ghewonnen is
Die menichte van zielen,
Die hen in duysternis
Door ongheloofheydt hielen,
Oft stonden in Godts haet
Door alderhande quaet.
Ghy hebt Godts liefdes brandt
Allommentom onsteken,
Door lauwheyt t' alle kant
Allendich seer besweken.
En Iesvs naem hebdy
Verbreyt aen alle zy.
Soo wonder heeft ghebrant
U hert in 't vier der minnen,
Aen Godt nu heel verpant
Met allen uwe sinnen,
Soo seer van u behert
De winst der zielen wert.
Hoe groot was u ghemoedt,
Hoe crachtich u betrouwen,
Dat ghy tot alle goedt
In alles hebt behouwen,
| |
[pagina 292]
| |
Gheweest nochtans die zijt
Soo nedrich t' alle tijdt.
Hoe hooch hebd' in 't ghebedt
Ghestadich op ghevloghen,
Van schepsels onbelet,
Soo dickwils opghetoghen,
Met Godt soo seer ghemeyn,
Van herten al te reyn.
Lof zy u, grooten Godt,
Hem die hier hebt verheven
Tot dit gheluckich lot,
En eeuwich nu doet leven,
Gheeft ons dat wy eenpaer
Sijn stappen volghen naer.
|
|