Den Gheestelycken leeuwercker vol godtvruchtighe liedekens ende leyssenen
(1645)–Guilielmus Bolognino–
AuteursrechtvrijBedeylt indry deelen
Op de wijse: I' ayme la blonde &= la brune. Wat een groot jolijt t' aenschouwen
Op Thabor was 't den Heer,
Doen hy had sijn ghebedt ghe-
| |
[pagina 171]
| |
houwen,
 Die soo seer
Sijn ghedaente heeft verkeert,
Die met glorie seer vereert.
WAt een groot jolijt t' aenschouwen
Op Thabor was 't den Heer,
Doen hy had sijn ghebedt ghehouwen,
Die soo seer
Sijn ghedaente heeft verkeert,
Die met glorie seer vereert.
Als een Son 'taenschijn ghebloncken
Heeft hem door hemelsch licht;
Sijn discipelen werden droncken
Door 't ghesicht:
Wit als sneeuw was sijnen rock,
Waer des lichaems glans door trock.
Moyses en Elias quamen
Sich voeghen by den Heer,
Spraecken daer van sijn lijden 't samen,
Groot te seer:
Petrus, door 'tghestrael ontwaeckt,
Sprack tot Christum, heel vermaeckt,
Laet ons hier dry tenten maecken,
Heer, Voor u dry, dat wy,
Die nae dit gheniet soo seer haecken,
Met u bly
Blijven in u wesens schijn,
Ah 't is hier te goet te zijn.
Petrus was soo seer verslonden
In dien blyen tijt,
In sijn sinnen gheheel ghebonden
Door 't jolijt
| |
[pagina 172]
| |
Wist niet wat hy sey den Heer,
Die ghenoechde hem soo seer.
Een claer wolck omringht hen allen
Heeft doen, en seer vervaert
Zijn d' Apostels ter aerd' ghevallen,
Doen verclaert
Van den Vader wert den Heer
Voor den Son, ghelijck in eer.
Hy de op hen staen, die saghen
Doen niet met allen meer,
Daer ghebleven van seer verslaeghen:
Doch den heer
Hiet hen hier te swijghen van
Tot sijn doodt aen alle man.
Kost een straeltjen soo verheughen?
Hoe in den hemel sal
Heel sijn glorie 't ghemoedt vervreughen?
Waer den Al,
In sijn wesen aen claer aenschouwt,
Soo ghehecht 't hert aen hem hout.
Iesv, die versterckt u vrinden
Hebt met dat schoon ghesicht,
Laet ons by u ghenade vinden,
Ons verlicht,
Dat ons hert staegh op u acht,
Nae 't gheniet uws aenschijns tracht.
|
|