Tweede boeck vol schoone ende constighe refereynen
(2007)–Anna Bijns–
Auteursrechtelijk beschermd
[pagina 128]
| |
Die duer Luters leere haer oorden verachten
Loopen nu inde weereldt een luchtken rapen
Sy en willen niet langher alleene slapen
Op vleesschelijcken wellust staen haer ghedachten
Al hebben sy goey daghen sy soecken goey nachten
Deene troudt eenen man / dander een wijf
Maer wil ick u segghen wat sy verwachten
Armoede die sy met den jare verpachten
Sy en brenghen niet tsamen / dan elck een luy lijf
Om wercken sijn hen de leden te stijf
En van gheenen doene sy en weten
Besiet doch wat werdt dan haer tijdt verdrijf
Kijven en vechten dits mijn motijf
Dit mueghen sy somtijts doen voor haer eten
Als hen niet en volghen donbesorchde beten
Die sy in haer cloosters te hebben plaghen
| |
[pagina 129]
| |
Dus derf ick my wel te segghen vermeeten
Selck soeckt goey nachten / en verliest de goey dagen
Sonder sorghe wel teetene en te drinckene
Sijn muncken / en nonnen / beyde ghewendt
Esser dan niet te bytene / oft te schinckene
En treefter cloxken niet en pijndt te clinckene
Ghelijckt wijlen eer dede in haer convent
Och hoe moet hen varen maer dmeest torment
Sy en mueghen hen met vreden nergent planten
Sijn sy TAntwerpen / te Brugghe / oft te Ghent
Niemandt goeders en es hen gheerne ontrent
Sij mueghen somtijts tot Luterschen callanten
Een maeltijt rapen dan sijnt trauwanten
Die in haer cloosteren / waren heeren
Dat jonckvrouwen waren / beroeyde danten
| |
[pagina 130]
| |
Sy werden versmaedt aen alle canten
Daermense voortijts hadde in eeren
Sy en vinden gheenen troost waer sy hen keeren
Sy werden verstooten van vrienden en maghen
Ick segghe noch experientie macht leeren
Selck soeckt goey nachten en verliest de goey dagen
Dit volckxken en weet van gheenen sorghene
Sy moeten eten / en sy en weetent / waer halen
Van hongher wanen sy te verworghene
Tvolck is hen onwillich te borghene
Want sy sorghen voor faulte aent betalen
En in haer clooster hadden sy ghemalen
Twas hen te vooren ghebrouwenGa naar voetnoot9 / en ghebacken
Als treefter clocxken luyde sonder dralen
Ghinghen sy ter cribben / dat moet hem nu falen
| |
[pagina 131]
| |
Sy vermuyldent doen daer sy nu naer snacken
Sy souden naer tclooster broot haer vingeren lacken
Mocht hen gebueren maer neent al macht hen spijten
Peynst als sy dan crijghen jonghe bracken
En deene roept eten en dander kacken
En dat sy hen snachts het hooft volGa naar voetnoot10 crijten
Dan moeten sy haer leven in drucke verslijten
Die eerst de weelde niet en consten ghedraghen
Dus wil ick my noch te segghen quijten
Selc soeckt goey nachten / en verliest de goey dagen
Sy hadden int clooster den onbesorchden cost
Selen sy nu eten sy mocetent winnen
Sy waren werm en sadt en wel ghedost
Ghemantelt gherockt ghepelst ghevost
Nu en weeten sy waer me decken haer vinnen
| |
[pagina 132]
| |
Al mueghen Luteranen / en Luterinnen
Int eerste wat gheeven sy sijns saen moede
Haer schoenen haer kousen haer cleederen dinnen
Vrienden en maghen en willense niet kinnen
Al sijndt de naeste van haren bloede
En sy sijn de verste van haren goede
Dat sy int clooster brachten dat es daer bleven
Sy en wilden niet staen / onder eens anders roede
Nu loopen sy als schapen sonder hoede
Int wilde niet weetende waer by leven
Broeders / oft susters / en willen niet gheven
Noch nichten / noch neven / en wien sijt claghen
Sy werden bekeven dus werdt hier ghescreven
Selc soect de goey nachten en verliest de goey dagen
Dan moeten sy gaen sorghen / voor de pappe
| |
[pagina 133]
| |
Die tkindt sal eten / voor licht / en voer vier
Aey arm munck ghy staeckt veel beter in u cappe
Want ick dinc wel al en haelt ghyt niet ten tappe
Men drinckt tuwent dicwils / suer muylen bier
Och het esser in huys / een cranck bestier
Peynst eens hoe varet desen leghen beghynen
Als sy vanden kinderen hooren tghetier
En deene roept daer / en dander crijt hier
Hen ghebreken cleeren / schoenen en plattijnen
Daer en es onder oft over wullen oft lynen
Men siet int huys niet / dan ydel hoecken
En besnotte kinderen / met halven dosijnen
Hoe moeten de luye nonnen verdwynen
Als sy moeten wasschen de bescheten doecken
Bruer lollaert moet hem int werck vercloecken
Al sou hy gaen trecken de croeye waghen
| |
[pagina 134]
| |
Waren niet saechter te handelen de boecken
Selck soeckt goey nachten en verliest de goey dagen
Prince als sy hen vinden in dit percket
Van elcken ghelaten heel desolaet
Dan crijchtse de viandt vast dieper in sijn net
Want sy sitten tsamen teghen de wet
Een verloopen nonne en een apostaet
Duer daermoede donsuver liefte vergaet
Ghebreck van ghelde doedtse dicwils quelen
Dan crijghen sy op malcanderen den haet
En de duvel maectse soe desperaet
Dat hen gheen quaedt doen en mach vervelen
Deene loopt hoere / dander moorden en stelen
De kinderen legghen sy voor de honden
Te vondelinghen / peynst oft sijt niet en spelen
| |
[pagina 135]
| |
Ten lesten betalen sijt met der kelen
En werden op raders aen galghen ghebonden
Meest deel versmooren sy in haer sonden
Die haer cappen hanghen op de haghen
Ick segghe noch tes dicwils bevonden
Selck soeckt goey nachten / en verliest de goey dagen
|