Tweede boeck vol schoone ende constighe refereynen
(2007)–Anna Bijns–
Auteursrechtelijk beschermd
[pagina 88]
| |
De duecht wert verdruct de boosheit crijcht doverhant
In schijn des gheloofs werdt ongheloove gheleert
Min trouwen / men noyt onder tvolck en vandt
De liefde vercoudt / ende haet vermeerdt
Duer Anthechrists boden / wert de waerheyt verkeertGa naar margenoot+
Diversche errueren onder tvolck oprijsen
God werdt gheblasphemeerdt sijn moeder onteerdt
De valsche propheten / alle duegcht mesprysen
Sy segghen die den ruymen wech ter hellen wysen
Men derf niet waken / bidden / oft vieren
Men derf niet vasten / abstineeren van spysen
Op sommighe tijden tes menschen versieren
Sy laken alle duechdelijcke manieren
Ghy ontsinnighe menschen / die hier nae hercken
Besiet doch sijn dit Evangelische wercken
| |
[pagina 89]
| |
Tes al gods gheest / daer sy af kakelen
Maer de boose gheest / heeftse beseten
Men kendt de sancten aen haer miraculen
Van haren gheloove sy hen vermeten
Vanden wercken des gheloofs / sy niet en weten
Sy roepen gheloove / en sy en hebben gheene
Sy leeren den volcke als valsche propheten
Men derf niet doen dan betrouwen alleene
Sy raden vander heyligher kercken te scheene
En die daer by bliven heeten sy Papisten
Sy maken ooc alle goet ghemeene
Want sy waren gheerne inder liens kiste
Theeten Christenbruers en Evangelisten
Maer soumen haer wercken wel waerderen
Het schynen veel beeter Machumettisten
Ja argher dan Turcken / int compareren
| |
[pagina 90]
| |
De heylighe scriftuere / sy corrumperen
Op dat sy haer dolinghe daer me mueghen stercken
Besiet doch sijn dit Evangelische wercken
Muncken en nonnen / trecken sy uut den cloosters
Die als rasende menschen achter lande loopen
Sy leeren den ruymen wech als valsche troosters
Met niet doen machmen den hemel coopen
Hier duere crijghen sy discipulen met hoopen
Vanden gheenen die haers vleeschs wellust soecken
Som laten hen besnyen / dander herdoopen
En scrijven daghelijcx nieuwe valsche boecken
Sy doen de menschen in sonden vercloecken
Hier om erghert de weereldt van jare te jare
Sy verwecken oploop in sommighe hoecken
Sy stelen de Juwelen van gods altare
| |
[pagina 91]
| |
Kelcken cyborien tes al goey ware
Sy verbernen de beelden sy breken de clocken
Op verboden tijden sy int openbare
Sonder vreese vleesch als honden slocken
Duer begeerlijcheyt des vleesch sy de menschen lockenGa naar margenoot+
Vernufte gheesten wildt redene aenmercken
Besiet doch sijn dit Evangelische wercken
Straffinghe der sonden en willen sy niet hooren
Goede leere en kunen sy niet verdraghen
Vander waerheyt keeren sy haer ooren
En keeren hem tot fabulen en ydel saghenGa naar margenoot+
Den oprechten predicanten legghen sy laghen
Want sy hem selven leeraers verwecken
Die haer ooren ketelen naer haer behaghen
Met soeten woorden haer bedroch bedecken
| |
[pagina 92]
| |
Duer tijdtlijcken wellust sij haer vleesch bevlecken
Sy schynen goddienstich / maer versaken de crachtGa naar margenoot+
Tsijn boose kindren die haren vader begecken
Haer moeder versmaden en weerstaen de macht
Van hem werden schandelijcke secten inghebracht
Sij ghelooven vrijheyt / en tsijn knechten der sondenGa naar margenoot+
De waerheyt weerstaende dach ende nacht
Ghelijck Jamnes en Mambres Moysen weerstondenGa naar margenoot+
Bedriechlicke meesters / sprekende met twee monden
Onbewegelijck versteent / herter dan sercken
Besiet doch sijn dit Evangelische wercken
Sy blasphemeeren / den wech der waerheyt altoosGa naar margenoot+
Den gheest der lueghenen / hebben sy binnen
Sy sijn sinlijck / sonder gheest heel goddeloos
Want sy den wellust meer dan god beminnenGa naar margenoot+
| |
[pagina 93]
| |
Dese sijndt die duerloopen / de huy[s]ghesinnen
En leyen de vroukens / met sonden belaeyen
Ghevangen / die nemmermeer de waerheyt en kinnen
Nochtans altijt leeren sonder versaeyen
Tsijn volcken die met allen winden waeyen
Sy achten voor wellust / dat sy weeldich leven
Landen steden werden van hen verraeyen
De kennesse van dien / es int werck beseven
Daer sy goede borghers / uut hebben ghedreven
En hebben haer goedt dieflijck ghestolen
Waer staet dat int Evangelie ghescreven?
Maer sy self dolende doen andere oick dolenGa naar margenoot+
In hoecken in winkels / houden sy haer scholen
En versmaden de leere der heyligher kercken
Besiet doch / sijn dit Evangelische wercken
| |
[pagina 94]
| |
Met den monde sy Christum belyen
Maer met den wercken sy hem versakenGa naar margenoot+
Tes al Evangelie waer sy gaen oft ryen
En noeyt ketters / meer daer teghen en staken
Si spreken van lieften die in nyde blaken
Want papen en muncken sy overlasten
Consten sy inde rijckerlien gheldt gheraken
Sy soudender met beyden handen in tasten
Ghelijck de Huynen / die op gheen wet en pasten
Sy kercken / cluysen / en cloosters vernielen
Sy en willen noch biechten / lesen oft vasten
Om haer sonden te boeten hoe vol sy crielen
Sy messaken tvaghevier / tbidden voer de sielen
Vanden sacramenten / sy oneerlijck spreken
Waerdt dat papen en muncken cranckelijck vielen
Dat souden sy op de daken preken
| |
[pagina 95]
| |
En groote lueghenen / hen selden ghebreken
Soot dicwils blijckt in diversche percken
Besiet doch sijn dit Evangelische wercken
Sy sijn sonder vrede vol der ongherusticheytGa naar margenoot+
Deenich gheloove pijnen sy te deerne
Sy mesten hen selven in haer wellusticheyt
In Bachus kercke / daer sijn sy gheerne
Sy lesen devangelie inde taveerne
Sy segghen dat sy Christum soecken inden gheest
Maer voorwaer Malchus draecht de lanteerne
Want het blijckt sy soecken hem selven meest
De papen trouwen wijven onghevreest
De ghehoude lien en maken gheen mentie
Al doen si overspel dus sijn sy verbeest
Ten is gheen sonde naer haer sententie
| |
[pagina 96]
| |
Ghelijck een schuerduere es haer conscientie
Sy laten hen duncken / daer en is gheen helle
Sij verwecken haet / nijdt / twist / en dissentie
En doen duysendt mael meer quaedts dan ic vertelle
Sy sijn soe onchristelijck van voortstelle
Al waren sy ghebroedt onder Lucifers vlercken
Besiet doch sijn [dit] Evangelische wercken
Prince wildy mijnen woorden niet ghelooven?
Ghelooft den wercken die wij daghelijcx sien
Laet u van desen ketters niet verdooven
Want Paulus seydt wildt dusdanighen vlien
Spieghelt u aen dabuysen die elders gheschienGa naar margenoot+
Die hem aen ander spieghelt / es seer vroedt
Siet toe eer sy / hier oic spelen van dien
Wandt ick sorghe mochten sy coelen haren moedt
| |
[pagina 97]
| |
Sy souden storten alder papen bloedt
En al die hem teghen sijn / vaet dit expeerte
Dien souden sy berooven lijf ende goedt
Hadden sy de macht tblijckt aen tgheveerte
Wy sien tbeghin elck wacht hem vanden steerte
Den lesten cloot en es noch niet gheleghen
Sy lesen de scriftuere ghelijck als beerte
Den souter las duer haer beestelijck pleghen
O princhelijcke vorsten set u hier teghen
Men siet voorwaer aen dees Luthersche clercken
Gheen Evangelische maer duvelsche wercken
|
|