Tweede boeck vol schoone ende constighe refereynen
(2007)–Anna Bijns–
Auteursrechtelijk beschermd
[pagina 52]
| |
Doude es wech / tes al nieu soe Paulus belijdt
Wildt nu een nieu opset / van duechden maken
Christen menschen / die inden nieuwen heere verblijdt
Treckt aen nieu wapenen u naeckt niewen strijdt
Ons vianden sijn veele / die altijt waken
De weereldt / tvleesch / de helsche drakenGa naar margenoot+
Gheven den gheest tot alder ondiericheyt // raet
Sviandts tentatie doedt duechden staken
Tvleesch soeckt gemack / vleesch wildt vleesch smaken
Al de weereldt in een quade viericheyt // staet
Sy thoont ons wellust hoverdie / giericheyt // quaet
Niewe opinien / vinden niewe vonden
Om quaet te doene / tvolc duer niesciericheit // gaet
Vanden ouden ghebreken / in niewe sonden
Die haren.A.B. noyt averecht en conden
Willen hen onderwinden / met niewen vraghen
| |
[pagina 53]
| |
Dat experientie leerdt / tes goedt om gronden
Om niewe sonden / sendt god niewe plaghen.
Tes nieu het luydt vreemde inde ooren // mijn
Dat schoenlappers / wevers / willen doctooren // sijn
En wijfs haer priesters tsijne vermeten
Lansboeren die totten ploeghen ghebooren // sijn
Hen laten duncken / dat sy vercoren // sijn
Als Balaams esel / te straffen prophetenGa naar margenoot+
Tes nieu dat de leecke nu meer willen weten
Dan heylighe doctooren / die waren eens jaers
En dat doude statuten / soe sijn vergheten
Datmen svrydaechs / en tsaterdaechs / vleesch siet eten
Vasten / vieren / siet breken / met luttel vaers
Vreempt eest dat Christenen / gheloven soe schaers
Dat sy hen laten leyen / van dolenden sterrenGa naar margenoot+
| |
[pagina 54]
| |
Uutgheloopen muncken / nieu gughelaers
Bastaerden der kercken / ghevallen vander kerren
Soude god om dees nieuwicheyt niet vererren
Aenhoorende dit / moet my selve meshaghen
Verwondert niet sietmen ons gheluck ontverren
Om niewe sonden / sendt god nieuwe plaghen
Nieu ketters soecken oudt erruer uut den hoecken
Daer sy tvolck duer leeren in quaedt doen vercloecken
En nieu oncruydt inden acker des heeren planten
Nieu venijn werdt ghestroydt / met niewen boecken
Nieuchierighe gheesten / nieu leeraers soecken
Predicaren / carmeliten / en observanten
Heeten ypocryten / Anthechrists serganten
Dits vreemt / en muncken die haer cappen uutschieten
Sijn nu al sancten / Christen predicanten
| |
[pagina 55]
| |
Dese prijsen malloten / droncken callanten
Die niet en weten / dan gapen / en ghieten
Tes groot abuys tmoet god verdrieten
Hier om seynt hy ons nieu sieckten en vreemde qualen
Dwelck de goede / metten quaden ghenieten
Donschuldighe moet somtijts tghelach betalen
God sal tsweerdt der wraken noch meer verstalenGa naar margenoot+
Compt hier gheen beteringhe in corten daghen
De roey leyt inde pisse / ten mach niet falen
Om niewe sonden / seyndt god niewe plaghen
Wat soecktmen al nieuwicheden inde habyten
Syde laken / flueel / en soude niet verslyten
Waerdt niet duerhouwen / duerhackelt / duersneden
Dit doen sy meest / die roepen / en cryten
Datmen kercken chiert segghende tsou meer profyten
| |
[pagina 56]
| |
Datmen sulck ghelt ghinghe / aen darme besteden
Maer sij swijghen / dat sijt beeter selve deden
Metten laken / dat sy onnuttelijck verquisten
Souden sy decken / Christus naeckte ledenGa naar margenoot+
En laten ander goey menschen met vreden
Kercken verchieren die daer op ghisten
Sy waendent hier vast hebben maer sy misten
Haer allegatien / hebben luttel slots
Siet dees Christen bruers / nieu evangelisten
En gaen ghelijck Torcken ghecleet / op sijn stragots
Met afghesneden hosen / ghehackelt op sijn sots
Van weelden wetende / wat nieuwicheyt draghen
Eest nieu elck moet hebben / al staghet schots
Om niewe sonden / seyndt god niewe plaghen.
Tes nieu datmen kelcken breeckt / en ciborienGa naar margenoot+
| |
[pagina 57]
| |
De sancten die met Christo sijn in glorien
Veracht / en haer beelden wijst te viere
Ja tcruys Cristi / dat syn doodt bringt in memorien
Doetmen wech / in stede vreemde historien
Poetrye nae de heydensche maniere
Dat devotie by bringt / moet uut den papiere
Maer al dat tot onsuverheden verweckt
Werdt gheschildert / gheprint / men siet hoe ondiere
Naeckte / vrouwen naeckte mans / ja afgoden schiere
Troept wrake dat gheluydt inden hemel streckt
Die suverlijck wilt leven / werdt begeckt
Vander maechden staet / heeftmen quaey suspitie
Die nu een nonne uut haren clooster treckt
Laet hem duncken / hy doedt God sacrifitie
Dits niewe Evangelische exercitie
Nonnen schoffieren / en muncken verjaghen
| |
[pagina 58]
| |
Want nieu oncruyt wast duer crancke justitie
Om niewe sonden seyndt god niewe plaghen
Den ouden enghen wech daer Christus af vermaendtGa naar margenoot+
In devangelie / die hy selve heeft ghebaendt
Sijn vrienden naer hem ooc te wandelen pleghen
Es te scherp / te enghe / toneffen gheplaendt
Letter gaender duere / tvolck es so verwaendt
Sy wandelen haer eyghen niewe weghenGa naar margenoot+
Den ouden wech es der sinnelijckheyt teghen
Als biechten / waken en abstinentie
Siet waer dat kerstenrijck toe es bedeghen
Scrijft oft seydt iemandt daer tvleesch es toe genegen
Hoe snooden boeve hy crijcht audientie
Deewighe waerheyt seydt wie gheeft hem credentie
Die naer my wildt comen aenveerde sijn cruysGa naar margenoot+
| |
[pagina 59]
| |
En versake hem selven / doet penitentie
Oft ghy sult vergaen wat seydt dit nieu ghespuys
Ghelooft / tes al claer duer dit quaedt abuys
Werdt de weereldt met niewen roeden gheslaghen
Tgheene dat wy verdienen compt ons vast thuys
Om niewe sonden sendt god niewe plaghen
Dat god nieuwe plaghen sendt es corts wel gevoelt
Wat heeft de zee al dijcken duere ghespoeldt
Wie soe oudt die dees vloedt oyt sach verhooghen
Den tijdt es seer scherp watmen werckt oft woeldt
Men can niet bedijen devotie vercoeldt
Dit doet de fonteyne der ghenaden verdrooghen
De leecken en willen voor de priesters niet boogen
Maer onteerense / die hem de waerheyt preken
Die u raeckt / raeckt den appel mijnder ooghenGa naar margenoot+
| |
[pagina 60]
| |
Seydt god hy en wils niet langher ghedooghen
Al mach tgheldt den menschen dooghen uutsteken
De hoogchste regent / comet selve wreken
Met pestilentien / cortsen vierich en heet
Blijckt nu gods wrake / en sij heeft ghebleken
Doen hy ons visiteerde / door tvreeselijck sweet
Daer soe menich wellustich jonck herte af spleet
Sij en leven niet die oyt sghelijcx aensaghen
Dat de doot subijt soe veel volckx verbeet
Om nieuwe sonden / sendt god niewe plaghen
Prince.
Dieren tijt quaey neringe / maect dat menich truerdt
Sindt dat dees nieu dolinghe heeft gheduerdt
En wasser / noeyt welvaert / oft nemermeer en sal
De kercke en werdt eerst vanden ketters gepuerdt
Een lutter suer deesems / allet deech versuerdtGa naar margenoot+
| |
[pagina 61]
| |
Een schorft schaep ontreynt eenen heelen stalGa naar margenoot+
In alle staten es ghebreck beetert u al
Gheestelijck weerlijck / ouders / ende jonghelinghenGa naar margenoot+
Wy en sijn niet dan pelgrims int eerdtse dalGa naar margenoot+
Ons boosheyt set tusschen god eenen walGa naar margenoot+
Dat ons ghebedt niet opwaert en can ghedringhen
Ons vader neempt de roede / hy wil ons dwinghen
Laet ons sijn castidinghe niet versmadenGa naar margenoot+
Tes nu tijdt dat wy uut den slape ontspringhenGa naar margenoot+
Nieu vruchten bringhen / voor den troon der genaden
God hoorde de Niniviten doen sij badenGa naar margenoot+
Vastende screyende / in dasschen laghen
Maer willen wy dnieu quaedt op doude laden
Om nieuwe sonden sendt god niewe plaghen
|
|