Tweede boeck vol schoone ende constighe refereynen

[p. 3]

D.P. Levini Brechtani ad pium lectorem Carmen.

QUisquis amas fidei cognoscere dogmata sane
Exosus nostri temporis hereticos.
Hunc lege / quem virgo tibi dat generosa libellum /
Dignum quem manibus nocte dieque teras.
Femineum nihil hic / nugax / elumbe / petulcum /
Sed que non pudeat composuisse viros.
Perlege securo numerosos pectore rithmos /
Insidie hic nulle / nulla venena latent.
Nil Venus in sancto sibi carmine vendicat ulla
Nec tegitur scabies pernicis heresios.
Provocat ad studium sed te pietatis avite
Synceramque docet munda camena fidem.
Hoc opus Anna tuum casto veneranda pudore
In rithmis Sappho / Lesbia teutonicis.

[p. 4]

 

Que zelo succensa dei damnare tot annis

 

Impia non cessat dogmata nec metuit.

 

Corruptos contra mores falsosque prophetas

 

Nervosi pugnans carminis eloquio.

 

Ne parcas igitur nummis pietatis amator

 

Hic tibi non magno venditur ere liber.

 

Quem si syncera cordatus mente revolves

 

Non paulo fies doctior et melior.