Platbook 3. Gebaorte en doeëd

[p. 47]

Gebaorte

[p. 48]

Guus Peters, Gelaen
Summertime

Hoag in de zomer
droog ze häör hart mèt vruide
euver 't kaoreveldj
droog ze häör leid es 'n gerf
es 'n riepe vruch
hóng häör kael aan d'n ènjer
zèngend op 't erf van leefde:

ach miene zoon
bès 'n kaorebloom in 't laeve
ach miene zoon
bès wie 'n laam in de wei
al wied te väöl
zat d'r mie leid aan sjouve
al wied te hoag
sjtook d'r op de miet van mie sjmert.

Hoag in de zomer
droog zie mich mit leefde
euver brennende veljer
droog ze de gerf van 't leid.