De warachtighe historie van doctor Johannes Faustus
(2004)–Carel Baten–
Auteursrechtelijk beschermdDoctor Faustus bedriecht eenen rostuyscher.Ga naar margenoot2VAn ghelijcken dede hy eenen rostuyscher op een jaermerct, want hy maecte voor hemselven een schoon heerlick peert, waermede hy op een jaermerct reedt die men Phefferingen noemt, tot hetwelckeGa naar margenoot3 dat hy aldaer veel cooplieden creech. Ende ten lesten liet hijt voor 40 gulden. Ende hy seyde den rostuyscher tevoren dat hy daermede niet haestGa naar margenoot4 te water rijden en soude. De voorszeyde rostuyscher wilde sien wat hy daermede meynde, reet daermede te water ende daerin comende, so verswant het peert ende hy sat op een bondel stroo, waerover dat hy meynde verdroncken te hebbenGa naar margenoot5. Den rostuyscher wist wel waer zijnen coopman ter herberghe lach, liep wel-toornich derwaerts ende hy vant Doctor Faustus noch op zijn bedde liggen, slapende ende wel stijf ronckende. Den rostuyscher nam hem by den voet ende wilde hem uuten bedde trecken. Met dies so track hy hem het been uuten aers, daeraf dat de rostuyscher soo verschricte dat hy beswijmende ter aerden viel. Daerop dat Doctor Faustus moort riep. Den rostuyscher, wel-beangst wesende, settet op den loop ende liep ter cameren uut ende wist niet anders oft hy en hadde hem tbeen uuten lijve getrobken. Also quam Doctor Faustus wederom aen ghelt. |
|