De warachtighe historie van doctor Johannes Faustus

Een ander vraghe van de sterren die op der aerden vallen.

‘SOoveel der sterren werckinghe aengaet ende hoe dat sy verlicht zijn ende nederwaerts opter aerden vallen, dat en is niet nieus, want sulcx gebeurt alle nachte. Alsser nu voncken ende vlammen ghesien wor-

[fol. 31v]

den die uut de sterren vallen, dat en zijn gheene sterren die vallen, maer het dunct ons also¹. Ja, men siet dickmaels eenen grooten vyerstroom ter aerden nederwaerts vallen, maer dat en zijn gheen vallende sterren als wy meynen. Want oftschoon het eene vlieghende vyer grooter is als het ander, sulcks coemt alleene te veroorsaken², omdat de eene sterre ongelijck veel grooter is als de ander. Ende daer en can gheen sterre sonder Gods eygentlicken wille van den hemel vallen dan³ lant ende lieden te straffen. Alsdan⁴ bringen alsulcke sterren de wolcken met haer, daeruut dat groote hitte volcht ende een groote verdervinghe⁵ van landen en lieden.’

1 zo lijkt het ons

2 wordt veroorzaakt

3 dan om

4 In dat geval

5 ondergang, vernietiging