Poemata

Ad Iacobvm Petitivm advocatum Vltrajectinum.

QVi virtute petis Deûm penates,
Doctis omnibus expetis probari,
Nec quicquam petis, haud tibi petendum:
Non aeris malefidus appetitor,
Non laudum malesanus expetitor:
Quem suum Charites, suumq́ue Pallas,
Et suum Themis, & suum sodales,
Et coniunx petijt, petit, petetque,
Bonis omnibus expetite, qui me
Convivam toties petis petite,
Nomen conveniens habes Petiti.