Poemata

In helluonem.

HEri vocatus venit ad meam coenam,
Quo nil virorum Sol gulosius vidit,
Nec esitasse plus queat Sagunthinus,
Mutinaeque civis, aut Cyclopicus venter,
Orcique custos, & vorax Phari monstrum.
Lactuca primum sessilis gulae cessit,
Praeludiumque vile perna coenanti.
Strinxit petaces pinguis offa gingivas,
Ar[...]creaeque transiere fumantes,
Armusque ovillus dentium minas sensit,
Etiam scolopax pasta, praeda brumalis.
Moxque ore eodem pectus anseris condit,
Quatuorque turdos, centum edacior turdis;
Quin sex placentis una bucca distenta est,
Totque esculenta diluit tribus tandem
Vini lagenis, & liquoribus coctis.
Post hac Milonem ne suum Croton iactet,
Taurum vorare possit hic Milo nostras.